ក្រុមការងារអគ្គនាយកដ្ឋានភស្ដុភារ និងហិរញ្ញវត្ថុ ដឹកនាំដោយលោកឧត្តមសេនីយ៍ទោ គ្រុយ ស្រ៊ឺ អនុប្រធាននាយកដ្ឋានភស្តុភារ និងសម្ភារបច្ចេកទេស បាននាំយករបប ឯកសណ្ឋាននគរបាល លក្ខណៈសញ្ញាស័ក្តិ សម្ភារបន្ទាប់បន្សំប្រចាំឆ្នាំ ២០២១ ជូនដល់ស្នងការដ្ឋាននគរបាលខេត្តកោះកុង។ ក្នុងពិធីប្រគល់ ទទួលរបបសម្ភារនេះ មានការអញ្ជើញចូលរួមពីលោកឧត្តមសេនីយ៍ត្រី លឹម ឆាយ ស្នងការរង ផែនការងារភស្តុភារ និងហិរញ្ញវត្ថុ តំណាងលោកឧត្តសេនីយ៍ទោស្នងការ លោកអធិការនគរបាលក្រុង-ស្រុក និងលោកមេបញ្ជាការវរៈព្រំដែនគោកលេខ ៨២៧ ផងដែរ៕
