នៅព្រឹកថ្ងៃចន្ទ ១១រោច ខែមាឃ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៨ ខែកុម្ភៈឆ្នាំ២០២១ លោក ឡុង ពៅ ប្រធានការិយាល័យ និង លោក ស៊ីម រដ្ឋា មន្រ្តីការិយាល័យ បានចូលរួមសិក្ខាសាលាពិគ្រោះយោបល់លើការរៀបចំកំណត់ផលិតផលទេសចរណ៍តំបន់ឆ្នេរ និងតំបន់ជុំវិញសម្រាប់ការរៀបចំផែនការយុទ្ធសាស្រ្តជាតិទេសចរណ៍ (២០២១-២០៣៥) ក្រោមអធិបតីភាពឯកឧត្ដម មាង ស៊ីណេត អភិបាលរងខេត្តព្រះសីហនុ និង ឯកឧត្ដម ណេត សាមុត អគ្គនាយករងគ្រប់គ្រងឧស្សាហកម្មទេសចណ៍ និងជាប្រធានក្រុមការងារសិក្សា និងរៀបចំយុទ្ធសាស្រ្តជាតិអភិវឌ្ឍទេសចរណ៍។ ឯកឧត្ដម ណេត សាមុត បានមានប្រសាសអំពីការលើកស្ទួយ និងជំរុញការអភិវឌ្ឍវិស័យទេសចរណ៍ ដើម្បីចូលរួមធ្វើឲ្យប្រទេសមានចំណូលមធ្យមកម្រិតខ្ពស់ត្រឹមឆ្នាំ២០៣០ និងប្រទេសមានចំណូលខ្ពស់ត្រឹមឆ្នាំ២០៥០។ មុននឹងបញ្ចប់អង្គសិក្ខាសាលា ឯកឧត្ដម បានផ្ដោតសំខាន់ទៅលើចំនុចមួយចំនួនរួមមាន៖
- ការពង្រឹងគុណភាពសេវាកម្មទេសចរណ៍ ប្រកបដោយចីរភាព
- ទីផ្សារ និងផ្សព្វផ្សាយទេសចរណ៍ក្នុងបរិបទថ្មី
- អភិវឌ្ឍធនធានមនុស្សក្នុងវិស័យទេសចរណ៍
- ហេដ្ឋារចនាសម្ព័ន្ធ និងសម្បទាទ្រទ្រង់ការអភិវឌ្ឍវិស័យទេសចរណ៍
- យុទ្ធសាស្ត្រពង្រឹងអភិបាលកិច្ចទេសចរណ៍លក្នុងបរបទថ្មី
- លើកកម្ពស់ភាពស្អាត និងបៃតងក្នុងវិស័យទេសចរណ៍។
