កិច្ចប្រជុំសម្របសម្រួល ជាមួយម្ចាស់ព្រំដីទាំងសងខាងដើម្បីសម្របសម្រួល និងបរិចាគដីរបស់ខ្លួនម្នាក់ ៣ ម៉ែត្រ បណ្តោយ ៣០០ ម៉ែត្រ ក្នុងការបើកធ្វើផ្លូវ ជូនប្រជាពលរដ្ឋ
ក្រោយពីពិធីសំណេះសំណាលជាមួយបងប្អូនប្រជាពលរដ្ឋ កាលពីថ្ងៃទី០៨ ខែតុលា ឆ្នាំ២០១៩ តាមការស្នើសូមរបស់ប្រជាពលរដ្ឋរស់នៅតំបន់ដូនលាវ និងតាមការចង្អុលបង្ហាញពីលោក ហាក់ ឡេង អភិបាល នៃគណៈអភិបាលស្រុក បានឲ្យលោក ក្រូច បូរីសីហា អភិបាលរងស្រុក បានដឹកនាំកិច្ចប្រជុំសម្របសម្រួល ជាមួយម្ចាស់ព្រំដីទាំងសងខាងដើម្បីសម្របសម្រួល និងបរិចាគដីរបស់ខ្លួនម្នាក់ ៣ ម៉ែត្រ បណ្តោយ ៣០០ ម៉ែត្រ ក្នុងការបើកធ្វើផ្លូវជូនប្រជាពលរដ្ឋដែលរស់នៅតំបន់ខាងលើបានធ្វើដំណើរ និងប្រកបរបររកស៊ីឡើងវិញ កិច្ចប្រជុំនេះមានការចូលរួមពីលោកប្រធានការិយាល័យភូមិបាលស្រុក ប្រធានការិយាល័យអន្តរវិស័យ សមាជិកក្រុមប្រឹក្សាឃុំអណ្តូងទឹក ជំនួយការភូមិជីមាល និងម្ចាស់ព្រំដីទាំងសងខាង។
