លោកឧត្ដមសេនីយ៍ទោ គង់ មនោ ស្នងការនគរបាលខេត្តកោះកុង អមដំណើរដោយលោកស្នងការរង ផែនការងារសេនាធិការ និងផែនការងារសន្តិសុខ ឆ្លៀតក្នុងឱកាសនៃការចុះប្រតិបត្តិការបង្ក្រាបបទល្មើសឆបោកតាមប្រព័ន្ធអនឡាញ (Online Scams) បានអញ្ជើញជួបសំណេះសំណាល កម្លាំងប៉ុស្តិ៍នគរបាលរដ្ឋបាលព្រែកខ្សាច់ អធិការដ្ឋាននគរបាលស្រុកគិរីសាគរ ដោយបានបំពាក់វិទ្យុទាក់ទង (Icom) ជូនដល់កម្លាំងប៉ុស្តិ៍
លោកឧត្ដមសេនីយ៍ទោ គង់ មនោ ស្នងការនគរបាលខេត្តកោះកុង អមដំណើរដោយលោកស្នងការរង ផែនការងារសេនាធិការ និងផែនការងារសន្តិសុខ ឆ្លៀតក្នុងឱកាសនៃការចុះប្រតិបត្តិការបង្ក្រាបបទល្មើសឆបោកតាមប្រព័ន្ធអនឡាញ (Online Scams) បានអញ្ជើញជួបសំណេះសំណាល កម្លាំងប៉ុស្តិ៍នគរបាលរដ្ឋបាលព្រែកខ្សាច់ អធិការដ្ឋាននគរបាលស្រុកគិរីសាគរ ដោយបានបំពាក់វិទ្យុទាក់ទង (Icom) ជូនដល់កម្លាំងប៉ុស្តិ៍ ដើម្បីបង្កលក្ខណៈងាយស្រួលក្នុងការធ្វើទំនាក់ទំនង និងការងារប្រតិបត្តិការ ព្រោះថាតំបន់នោះមានការលំបាកផ្នែកប្រព័ន្ធសេវាទូរស័ព្ទ (កន្លែងខ្លះមាន កន្លែងខ្លះពុំមាន)។
ទន្ទឹមនឹងនេះ លោកឧត្តមសេនីយ៍ទោស្នងការ ក៏បានណែនាំដល់កងកម្លាំងប៉ុស្តិ៍ ត្រូវពង្រឹងការទំនាក់ទំនងឱ្យបានជាប់ជាប្រចាំ ទាំងកិច្ចសហការ ជាមួយសមត្ថកិច្ចពាក់ព័ន្ធ និងការក្តាប់សភាពការណ៍សន្តិសុខក្នុងមូលដ្ឋាន ជាពិសេសត្រូវការពារ និងទប់ស្កាត់ដាច់ខាត មិនឱ្យមានក្រុមឧក្រិដ្ឋជនឆបោកតាមអនឡាញ (Online Scams) ចូលមកជ្រកកោន ឬធ្វើសកម្មភាពនៅក្នុងភូមិសាស្ត្រឃុំព្រែកខ្សាច់ ស្រុកគិរីសាគរ ខេត្តកោះកុង ជាដាច់ខាត។
ថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦
