ដកហូត និងដុតបំផ្លាញចោលឧបករណ៍នេសាទ លបកន្ទុយកណ្តុរ ចំនួន ៩២ ខ្សែ ប្រវែង ៧៥៦ ម៉ែត្រ
មន្រ្តីផ្នែករដ្ឋបាលជលផលបូទុមសាគរ បានសហការជាមួយសហគមន៍នេសាទតំបន់ឆ្នេរសមុទ្រតាមាឃ សហគមន៍នេសាទ ឃុំជ្រោយស្វាយ និងនគរបាលប៉ុស្តិ៍រដ្ឋបាលឃុំ ចេញប្រតិបត្តិការ ត្រួតពិនិត្យបទល្មើសជលផល ក្នុងភូមិសាស្រ្តឃុំអណ្តូងទឹក និងឃុំជ្រោយស្វាយ ដោយបានធ្វើការដកហូត និងដុតបំផ្លាញចោលឧបករណ៍នេសាទ លបកន្ទុយកណ្តុរ ចំនួន ៩២ ខ្សែ ប្រវែង ៧៥៦ ម៉ែត្រ ស្មើ ២ ករណី ក្នុងនោះក្រុមអធិការកិច្ចជលផល បានធ្វើការដុតបំផ្លាញចោល ១ ករណី នៅភូមិតាមាឃ ឃុំអណ្តូងទឹក ស្រុកបូទុមសាគរ និង ១ ករណីទៀត បានធ្វើការដុតបំផ្លាញចោល នៅភូមិអន់ឆ្អើត ឃុំជីខក្រោម ស្រុកស្រែអំបិល ខេត្តកោះកុង
