លោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ បានដឹកនាំក្រុមការងារស្រុក អាជ្ញាធរឃុំកណ្ដោល ក្រុមការងារភូមិ បាននាំយកគ្រឿងឧបភោគបរិភោគមួយចំនួន ចុះសួរសុខទុក្ខបងប្អូនប្រជាពលរដ្ឋ នៅចំណុចជំហាន២ ភូមិសុវណ្ណាបៃតង ឃុំកណ្ដោល ស្រុកបូទុមសាគរ ខេត្តកោះកុង ចំនួន ៣០គ្រួសារ មានជីវភាពខ្វះខាត និងរងផលប៉ះពាល់ដោយភ្លៀវធ្លាក់ ខ្យល់កន្ត្រាក់ ជាប់ៗគ្នាជាច្រើនថ្ងៃ មិនអាចចេញទៅប្រកបរបធ្វើនេសាទ និងប្រកបរបផ្សេងៗបាន។ ក្នុងពេលចុះសួរសុខទុក្ខ បងប្អូនប្រជាពលរដ្ឋ លោកអភិបាលស្រុក បានចូលរួមឧបត្ថម្ភថវិកាចំនួន ៤០០,០០០រៀល សម្រាប់ទិញបាវច្រកដី ទប់ទឹក កន្លែងដែលទឹកហូរច្រោះកាត់លើផ្លូវ។

ប្រភព:រដ្ឋបាលស្រុកបូទុមសាគរ

ថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពស ២៥៧០ ត្រូវនឹងថ្ងៃទី ២៩ ខែកក្កដា ឆ្នាំ២០២៦ វេលាម៉ោង១១:៣០នាទីព្រឹក