រដ្ឋបាលខេត្តកោះកុង

លោក ប៉ រ៉ានី នាយរងទទួលបន្ទុករួមផ្នែករដ្ឋបាលជលផលបូទុមសាគរ បានដឹកនាំក្រុមការងារអធិការកិច្ចខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តកោះកុង ចេញល្បាតត្រួតពិនិត្យបទល្មើសជលផល បានជួបប្រទះទូកយន្តចំនួន ០៣គ្រឿង កំពុងធ្វើនេសាទដោយឧបរកណ៍លបប្រើសច្រើន ឬលបកន្ទុយកណ្តុរដែលមានក្រឡាតូចជាង ០៣ ស.ម ក្នុងដែនសហគមន៍នេសាទជ្រោយស្វាយ ឃុំជ្រោយស្វាយ ស្រុកស្រែអំបិល ខេត្តកោះកុង បានធ្វើការហាមឃាត់ និងអប់រំផ្សព្វផ្សាយណែនាំដល់ប្រជានេសាទ ឱ្យគោរពតាមអនុក្រឹត្យលេខ ៩១ អនក្រ.បក ស្តីពីការពិន័យអន្តរការណ៍ចំពោះបទល្មើសនឹងច្បាប់ស្តីពីជលផល ចុះថ្ងៃទី១៩ ខែឧសភា ឆ្នាំ២០២៦។ ក្រុមការងារបានណែនាំអប់រំផ្សព្វផ្សាយដល់ប្រជានេសាទចំនួន ០៦នាក់ មានឈ្មោះដូចខាងក្រោម៖

១.ឈ្មោះ ណើត ង៉ែត ភេទ ប្រុស អាយុ ៤១ឆ្នាំ ទីលំនៅបច្ចុប្បន្ន ភូមិសារ៉ាយ ឃុំជ្រោយស្វាយ

២.ឈ្មោះ ឈួន ឆាយ ភេទ ប្រុស អាយុ ២៣ឆ្នាំ ទីលំនៅបច្ចុប្បន្ន ភូមិសារ៉ាយ ឃុំជ្រោយស្វាយ

៣.ឈ្មោះ យុង ញុច ភេទ ប្រុស អាយុ ៤០ឆ្នាំ ទីលំនៅបច្ចុប្បន្ន ភូមិសារ៉ាយ ឃុំជ្រោយស្វាយ

៤.ឈ្មោះ វី លី ភេទ ប្រុស អាយុ ១៨ឆ្នាំ ទីលំនៅបច្ចុប្បន្ន ភូមិសារ៉ាយ ឃុំជ្រោយស្វាយ

៥.ឈ្មោះឈាង ចាន់ ភេទ ប្រុស អាយុ ២២ឆ្នាំ ទីលំនៅបច្ចុប្បន្ន ភូមិសារ៉ាយ ឃុំជ្រោយស្វាយ

៦.ឈ្មោះយី ល័ក្ខ ភេទ ប្រុស អាយុ ២១ឆ្នាំ ទីលំនៅបច្ចុប្បន្ន ភូមិសារ៉ាយ ឃុំជ្រោយស្វាយ។

ថ្ងៃចន្ទ ៨រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០៨ ខែមិថុនា ឆ្នាំ២០២៦

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង