ថ្ងៃច័ន្ទ ៣កើត ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៩ ខែតុលា ឆ្នាំ២០២០

លោក អុី ម៉េងលាង ប្រធានមន្ទីរ និងជាប្រធានអនុកម្មវិធី ASPIRE ប្រចាំខេត្តកោះកុង បានអញ្ជើញចូលរួមជាអធិបតី ក្នុងកិច្ចប្រជុំត្រួតពិនិត្យបូកសរុបលទ្ធការងារត្រីមាសទី៣ និងគ្រោងផែនការការងារត្រីមាសទី៤ នៃការអនុវត្តន៍ អនុកម្មវិធី ASPIRE។​  ដោយមានការចូលរួមពីលោកអនុប្រធានមន្ទីរ និងជាអនុប្រធានអនុកម្មវិធី ASPIRE,  លោក លោកស្រីមន្ត្រីគាំទ្របច្ចេកទេសថ្នាក់ខេត្ត អនុកម្មវិធី ASPIRE, មន្ត្រីបង្គោលខេត្តទទួលបន្ទុកជួយការងារថ្នាក់ស្រុក, លោកប្រធាន អនុប្រធាន កសិកម្ម ធនធានធម្មជាតិ និងបរិស្ថាន តាមស្រុកគោលដៅ, ភ្នាក់ងារផ្សព្វផ្សាយឃុំ និងលោក លោកស្រី ទីប្រឹក្សាកម្មវិធី ASPIRE។  

កិច្ចប្រជុំប្រព្រឹត្តិទៅនៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្តកោះកុង ដោយមានអ្នកចូលរួមសរុបចំនួន ៣៥ នាក់ ស្រី ០៧ នាក់។