រដ្ឋបាលខេត្តកោះកុង

លោក សាយ ង៉ែត អភិបាលស្ដីទីស្រុកគិរីសាគរ បានដឹកនាំលោក យ៉ាង រិទ្ធីរ៉ា នាយករងរដ្ឋបាលសាលាស្រុក និងមន្រ្ដីការិយាល័យពាក់ពន្ធ័នៃរដ្ឋបាលស្រុក ដើម្បីចូលរួមកិច្ចប្រជុំស្តីពីការសរុបលទ្ធផលការងារដែលអនុវត្ត និងផែនការគោលដៅរបស់ ក្រុមរលកស្ត្រី(SHE Waves) ក្នុងគម្រោងប្លាស្ទិកសមុទ្រដែលរៀបចំដោយអង្គការសត្វព្រៃ និង រុក្ខជាតិ (Fauna & Flora) ដោយមានការចូលរួមពីលោកស្រីម៉ារៀ ហ្វឺណាន់ដេសប្រធានគម្រោង ប្លាស្ទិកសមុទ្រ អង្គការសត្វព្រៃ និងរុក្ខជាតិ អាជ្ញាឃុំ ភូមិ និងក្រុមរលកស្រ្ដីអនុវត្តជាក់ស្ដែង ។
កិច្ចប្រជុំនេះនៅសាលាឃុំកោះស្ដេច ។

លោកអភិបាលស្ដីទី សូមគាំទ្រ នឹងលើកទឹកចិត្តបន្ថែមសម្រាប់ការកែច្នៃពីមង អួន ចាស់មកច្នៃជាវត្ថុអនុស្សារីយ៍ជាច្រើនដែលជាវត្ថុអនុស្សារីយ៍ប្រចាំកោះស្ដេច ព្រមទាំងចូលរួមកាត់បន្ថយប្លាស្ទិក សម្រាម ព្រមទាំងលើកកម្ពស់ក្នុងជីវភាពប្រជាពលរដ្ឋលើភូមិកោះស្ដេចបានមួយកម្រិត ។កិច្ចប្រជុំបានពិភាក្សាពីទិសដៅបន្ដដើម្បីស្វែងរកទីផ្សារ កម្លាំងបន្ថែម នឹងការកំណត់ម៉ាកដើម្បីសម្គាល់ថាជាការកែច្នៃដែលធ្វើដោយ ស្នាដៃរបស់សហគមន៍កោះស្ដេច ។

ថ្ងៃពុធ ២រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៤ ខែកុម្ភៈ ឆ្នាំ២០២៦