រដ្ឋបាលខេត្តកោះកុង

លោក អន សុធារិទ្ធ អភិបាលរង នៃគណៈអភិបាលខេត្ត និងជាប្រធានលេខាធិការដ្ឋានគណៈកម្មាធិការគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ខេត្តកោះកុង បានដឹកនាំក្រុមការងារ គ.អ.ឆ.ក ខេត្ត ចូលរួមសិក្ខាសាលាពិគ្រោះយោបល់ (Retreat Seminar) លើសេចក្តីព្រាងផែនការយុទ្ធសាស្ត្រគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា» រៀបចំដោយគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា នៅសាលប្រជុំសាលាខេត្តកែប។ សិក្ខាសាលានេះមានការចូលរួមពីគណៈកម្មាធិការ គ.អ.ឆ.ក ថ្នាក់ជាតិ និងរដ្ឋបាលខេត្តជាប់សមុទ្រទាំង៤នៃព្រះរាជាណាចក្រកម្ពុជា និងវិស័យឯកជន ក្នុងគោលបំណងរៀបចំផែនការយុទ្ធសាស្រ្តអភិវឌ្ឍន៍ឆ្នេរសមុទ្រកម្ពុជា ប្រកបដោយប្រសិទ្ធភាព។
ថ្ងៃអង្គារ ១៣រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៨ ខែវិច្ឆិកា ឆ្នាំ២០២៥