រដ្ឋបាលខេត្តកោះកុង

លោក ឡេង ច័ន្ទសុភា  អនុប្រធានមន្ទីរ បានដឹកនាំលោក គង់ មិនា ប្រធានការិយាល័យកសិ.ឧស្សាហកម្ម លោក សឹង លី ប្រធានការិយាល័យផ្សព្វផ្សាយកសិកម្ម ចុះតាមដានត្រួតពិនិត្យ ក្រុមកសិករចម្លងតាមបច្ចេកទេសគម្រោងលើកកម្ពស់ជីវភាពប្រជាពលរដ្ឋ ប្រកបដោយភាពធន់បន្សាំទៅនឹងការប្រែប្រួលអាកាសធាតុ ហៅកាត់ការីប ដែលមានសកម្មភាពដូចខាងក្រោម៖

ពេលព្រឹក នៅក្នុងស្រុកថ្មបាំង ចុះពិនិត្យការដាំដុះដំណាំបន្លែ(ត្រសក់ ស្ពៃក្តោប ខាត់ណាផ្កា ត្រប់វែង ត្រប់ស្រួយ) ចំនួន២គ្រួសារ , ដំណាំចេកចំនួន២គ្រួសារ ដែលទទួលបានបដិភាគ(សូឡា)សម្រាប់ធ្វើការបូបទឹកស្រោចស្រព កសិករទទួលបានផ្ទះសំណាញ់ (ដាំស្ពៃចង្កិះ) និងអ្នកលក់ធាតុចូលកសិកម្ម។ ​

ពេលរសៀល នៅក្នុងស្រុកបូទុមសាគរ ចុះពិនិត្យការដាំដុះដំណាំបន្លែ (ត្រលាច ត្រសក់ ននោង សណ្តែកគួរ)ចំនួន ០៣គ្រួសារ កសិករទទួលបានផ្ទះសំណាញ់ (ដាំស្ពៃចង្កិះ) ដែលទទួលបានបដិភាគ(សូឡា)សម្រាប់ធ្វើការបូមទឹកស្រោចស្រព និងអ្នកលក់ធាតុចូលកសិកម្ម។

ថ្ងៃចន្ទ ៦កើត ខែកត្កិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២៧ ខែតុលា ឆ្នាំ២០២៥

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង