រដ្ឋបាលខេត្តកោះកុង

ថ្ងៃព្រហស្បតិ៍ ១៤រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែមីនា ឆ្នាំ២០២៥។

នៅព្រឹកថ្ងៃព្រហស្បតិ៍ ១៤រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែមីនា ឆ្នាំ២០២៥ថ្នាក់ដឹកនាំ ព្រមទាំងមន្ត្រី-បុគ្គលិកមន្ទីរពេទ្យបង្អែកខេត្តកោះកុងទាំងអស់ សូមថ្លែងអំណរគុណយ៉ាងជ្រាលជ្រៅ🙏🙏🙏ចំពោះ លោកឧត្តម​អគ្គានុរក្សថ្នាក់លេខ២​ ចាន់​ ចំណាន​ ប្រធាន​ពន្ធនាគារខេត្តកោះកុង​ និងសហការី ដែលបាននាំយក ធ្នើរបីជ្រុងបួនថ្នាក់ ធ្វើពីឈើ ចំនួន ៥ ឧបត្ថម្ភដល់មន្ទីរពេទ្យបង្អែកខេត្តកោះកុង សម្រាប់ប្រើប្រាស់នៅក្នុងមន្ទីរពេទ្យ និងសម្ដែងនូវការអបអរសាទរចំពោះមន្ទីរពេទ្យបង្អែកខេត្តកោះកុង ដែលទទួលបានជ័យលាភីចំណាត់ថ្នាក់លេខ១ ជាអង្គភាពផ្ដល់សេវាសាធារណៈគំរូ កម្រិត២ (CPA2) ឆ្នាំ២០២៤ កន្លងទៅថ្មីៗនេះ ។

សូមបួងសួង🙏🙏🙏ដល់បារមីនៃវត្ថុស័ក្តិសិទ្ធទាំងឡាយ និងទេវតាឆ្នាំថ្មីប្រោសប្រទានពរជ័យ សិរីមង្គល វិបុលសុខជូនចំពោះលោកប្រធាន និងសហការី ព្រមទាំងក្រុមគ្រួសារទទួលជោគជ័យគ្រប់ភារកិច្ច ព្រមទាំងជួបប្រទះនូវពុទ្ធពរបួនប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ ។