លោកស្រី អែម សុធារ៉ា អនុប្រធានមន្ទីរទទួលបន្ទុករួម ប្រធាន និងមន្រ្តីការិយាល័យក្សត្រសាស្រ្ត និងផលិតភាពកសិកម្ម បានចូលរួមជួបពិភាក្សាជាមួយក្រុមការងារជាមួយអង្គការអភិរក្សអន្តរជាតិ (CI) ដេីម្បីសិក្សាស្វែងយល់អំពីលទ្ធភាពផលិត ការអភិវឌ្ឍន៍ទីផ្សារ និងខ្សែរចង្វាក់ផលិតកម្មកសិកម្ម ដែលរួមចំណែកដោះស្រាយការគំរាមកំហែងដល់ការបាត់បង់ព្រៃឈើ និងស្របតាមប្រព័ន្ធសុវត្ថិភាព ដែលមានភូមិគោលដៅចំនួន១១ ស្ថិតនៅឃុំចំនួន០៤ នៃស្រុកថ្មបាំង ខេត្តកោះកុង។
ក្នុងជំនួបនេះ មានអ្នកចូលរួមសរុប ០៨នាក់ ស្រី ០៥នាក់ នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្តកោះកុង។
ថ្ងៃចន្ទ ១៤កេីត ខែភទ្របទ ឆ្នាំរោងឆស័ក ព.ស ២៥៦៨ ត្រូវនឹងថ្ងៃទី១៦ ខែកញ្ញា ឆ្នាំ២០២៤
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
