តាតៃក្រោម,ថ្ងៃពុធ ៥ រោច ខែជេស្ឋ ឆ្នាំរោងឆស័ក ពុទ្ធសករាជ ២៥៦៨ត្រូវនឹងថ្ងៃទី២៦ ខែមិថុនា ឆ្នាំ២០២៤
លោក អ៊ូ ឆេនឆៃវិសាន្ដ មេឃុំ បានដឹកនាំ លោកស្រី អ៊ុក កន្និកា ជំទប់ទី១ លោកស្រី ស៊ើត សុខុម អ្នកទទួលបន្ទុកកិច្ចការនារី និងកុមារ ឃុំ ប៉ុស្ដិ៍នគរបាលរដ្ឋបាល លោកគ្រូ អ្នកគ្រូ រួមជាសិស្សានុសិស្ស មកទទួល អាវពោងការពារ និងអាវភ្លៀង ក្រោមអធិបតីភាពលោកស្រី ឈី វ៉ា អភិបាលរង នៃគណៈអភិបាលខេត្ត តំណាងលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង អំពីការយកចិត្តទុកដាក់ចំពោះសុខ សុវត្ថិភាព សិស្សានុសិស្ស ដែលត្រូវធ្វេីដំណេីរតាមផ្លូវទឹកនារដូវវស្សា ក្នុងនោះ អាវពោងសុវត្ថិភាពចំនួន ៤៥ អាវ និងអាវភ្លៀង ចំនួន ៧៧អាវ ដេីម្បីចែកជូនដល់លោកគ្រូអ្នកគ្រូ អជ្ញាធរ កងកម្លាំង និងសិស្សានុសិស្ស នៅឃុំតាតៃក្រោម ស្រុកកោះកុង ខេត្តកោះកុង។ ឆ្លៀតក្នុងឱកាសនោះលោកស្រី បានពាំនាំការផ្តាំផ្ញេីការសួរសុខទុក្ខពីជំទាវអភិបាលខេត្ត ដល់អជ្ញាធរឃុំ កងកម្លាំង លោកគ្រូ អ្នកគ្រូ ក្មួយៗ សិស្សានុសិស្ស លោកជំទាវបានក្រេីនរំលឹកឱ្យមានប្រុងប្រយ័ត្នខ្ពស់ ចំពោះហានិភ័យជាយថាហេតុផ្សេងៗ និងសូមពាក់អាវពោងជានិច្ចពេលធ្វេីដំណេីរតាមផ្លូវទឹកផងដែរ។
