លោកជំទាវ ឈី វ៉ា ប្រធានគណៈកម្មាធិការសាខាកាកបាទក្រហមកម្ពុជា ខេត្តកោះកុង និងជាប្រធានក្រុមការងារឥស្សរជនឆ្នើមថ្នាក់ជាតិនៃសាខាខេត្ត គណៈកម្មាធិការសាខាខេត្ត ក្រុមប្រតិបត្តិសាខា ក្រុមការងារអនុសាខាស្រុក ព្រះអនុគណស្រុក សប្បុរសជន ភ្ញៀវកិត្តិយស បាននិមន្ត និងអញ្ជើញជួបសួរសុខទុក្ខស្ត្រីមានផ្ទៃពោះ ស្រ្តីសម្រាលកូនចំនួន ៣០នាក់ និងគ្រួសារចាស់ជរាងាយរងគ្រោះចំនួន ៨០នាក់ សរុប ១១០នាក់ ក្នុងទិវាជាតិសុខភាព មាតា ទារក និងកុមារ ក្រោមប្រធានបទ “រួមគ្នាលើកកម្តស់គុណភាព សុវត្ថិភាព ប្រសិទ្ធភាពនៃការថែទាំផ្ទៃពោះមុនសម្រាល រួមទាំងក្នុងបរិបទមានគ្រោះអាសន្ន ឬគ្រោះមហន្តរាយ ដើម្បីធានាថាទាំងម្តាយ និងទារកមានសុខភាពល្អ” នៅស្រុកបូទូមសាគរ ខេត្តកោះកុង
លោកជំទាវ ឈី វ៉ា ប្រធានគណៈកម្មាធិការសាខាកាកបាទក្រហមកម្ពុជា ខេត្តកោះកុង និងជាប្រធានក្រុមការងារឥស្សរជនឆ្នើមថ្នាក់ជាតិនៃសាខាខេត្ត គណៈកម្មាធិការសាខាខេត្ត ក្រុមប្រតិបត្តិសាខា ក្រុមការងារអនុសាខាស្រុក ព្រះអនុគណស្រុក សប្បុរសជន ភ្ញៀវកិត្តិយស បាននិមន្ត និងអញ្ជើញជួបសួរសុខទុក្ខស្ត្រីមានផ្ទៃពោះ ស្រ្តីសម្រាលកូនចំនួន ៣០នាក់ និងគ្រួសារចាស់ជរាងាយរងគ្រោះចំនួន ៨០នាក់ សរុប ១១០នាក់ ក្នុងទិវាជាតិសុខភាព មាតា ទារក និងកុមារ ក្រោមប្រធានបទ “រួមគ្នាលើកកម្តស់គុណភាព សុវត្ថិភាព ប្រសិទ្ធភាពនៃការថែទាំផ្ទៃពោះមុនសម្រាល រួមទាំងក្នុងបរិបទមានគ្រោះអាសន្ន ឬគ្រោះមហន្តរាយ ដើម្បីធានាថាទាំងម្តាយ និងទារកមានសុខភាពល្អ” នៅស្រុកបូទូមសាគរ ខេត្តកោះកុង។
នាឱកាសនោះ លោកជំទាវ ឈី វ៉ា ប្រធានគណៈកម្មាធិការសាខា បានអានសារសារលិខិតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាពរួមអគ្គលេខាធិការអង្គការសហប្រជាជាតិ ដើម្បីសុខភាពស្ត្រី និងកុមារ ក្នុងឱកាសទិវាជាតិសុខភាពមាតា ទារក និងកុមារ ក្រោមប្រធានបទ “រួមគ្នាលើកកម្តស់គុណភាព សុវត្ថិភាព ប្រសិទ្ធភាពនៃការថែទាំផ្ទៃពោះមុនសម្រាល រួមទាំងក្នុងបរិបទមានគ្រោះអាសន្ន ឬគ្រោះមហន្តរាយ ដើម្បីធានាថាទាំងម្តាយ និងទារកមានសុខភាពល្អ”។
ឆ្លៀតនៅក្នុងឱកាសនោះដែរ លោកជំទាវប្រធានគណៈកម្មាធិការសាខា បាននាំមកនូវប្រសាសន៍ផ្តាំផ្ញើសួរសុខទុក្ខ និងសូមសំដែងនូវអំណរគុណយ៉ាងជ្រាលជ្រៅចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិនៃផែនការសកម្មភាពរួមអគ្គលេខាធិការអង្គការសហប្រជាជាតិដើម្បីសុខភាពស្ត្រី និងកុមារ តមកលោកជំទាវប្រធាន បានគូសបញ្ជាក់ពីការថែទាំសុខភាពផ្លូវកាយ និងផ្លូវចិត្ត របស់ប្រជាពលរដ្ឋគ្រប់រូបរស់នៅប្រកបដោយសុខភាព និងសុខុមាលភាព ដើម្បីចូលរួមអភិវឌ្ឍមូលធនមនុស្ស និងកំណើនសេដ្ឋកិច្ច យ៉ាងរឹងមាំដោយស្មារតីសាមគ្គីភាព និងជួយដល់ការលើកកម្ពស់សុខភាពមាតា និងទារក ឱ្យកាន់តែប្រសើរឡើង។
សម្ភារដែលសាខា និងអនុសាខាផ្តល់ជូនដល់ស្ត្រីមានផ្ទៃពោះ និងស្រ្តីសម្រាលកូនក្នុង ១នាក់ទទួលបាន៖ អង្ករ២៥គក្រ មីជាតិ១កេស ទឹកស៊ីអ៊ីវ១យួរ ទឹកត្រី១យួរ ទឹកសុទ្ធ១កេស កាដូរអនុស្សាវរីយ៍១កាដូរ ឃីតកូនង៉ែត១ សាប៊ូដុសខ្លួន១ដប សាប៊ូម្សៅ១កញ្ចប់ ព្រមទាំងថវិកា៦០,០០០រៀល ។គ្រួសារចាស់ជរាទទួលបាន៖អង្ករ២៥គក្រ មីជាតិ១កេស ទឹកស៊ីអ៊ីវ១យួរ ទឹកត្រី១យួរ ទឹកសុទ្ធ១កេស មុង១ ព្រមទាំងថវិកា៦០,០០០រៀលដូចៗគ្នាផងដែរ ។ ដោយឡែកឯកឧត្តមវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាល ឧបត្ថម្ភឃីតជូនស្ត្រីទើបសម្រាល និងពរពោះចំនួន៣០ឃីតផងដែរ ។ ជាមួយគ្នានោះអនុសាខាកាកបាទក្រហមកម្ពុជា ស្រុកបូទូមសាគរក៍បានទទួលមូលនិធិពីភ្ញៀវកិត្តិយសសរុប ៣៥៥អង្គ/នាក់ ដែលនិមន្ត និងអញ្ជើញចូលរួមកម្មវិធីនេះចំនួនបឋម ១.ប្រាក់រៀល ចំនួន១៩,៦៤០,០០០ រៀល និង ១៧១៥ ដុល្លារ សរុបរួមគិតជាដុល្លារ ចំនួន ៦,៥០៥ ដុល្លារ ៕
ថ្ងៃព្រហស្បតិ៍ ៩រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១២ ខែមីនា ឆ្នាំ២០២៦
