រដ្ឋបាលក្រុងខេមរភូមិន្ទ មានកិត្តិយសសូមជម្រាបជូនដំណឹងដល់សាធារណជន និងអ្នកពាក់ព័ន្ធ ទាំងអស់ ក្នុងក្រុងខេមរភូមិន្ទឱ្យបានជ្រាបថា ក្រុមប្រឹក្សាក្រុងខេមរភូមិន្ទ នឹងរៀបចំកិច្ចប្រជុំសាមញ្ញលើក ទី១ អាណត្តិទី៤ ក្រោមអធិបតីភាព លោក ប្រាក់ វិចិត្រ ប្រធានក្រុមប្រឹក្សាក្រុងខេមរភូមិន្ទ។
កិច្ចប្រជុំមានរបៀបវារៈដូចខាងក្រោម៖
១. ការផ្សព្វផ្សាយអំពីសេចក្តីណែនាំលេខ ០២៤ សណន ចុះថ្ងៃទី១៦ ខែឧសភា ឆ្នាំ២០២៤ របស់ក្រសួងមហាផ្ទៃស្តីពី ការរៀបចំបទបញ្ជាផ្ទៃក្នុងរបស់ក្រុមប្រឹក្សា និងគំរូបទបញ្ជាផ្ទៃក្នុង របស់ក្រុងប្រឹក្សា
២. ការផ្តួចផ្តើមរៀបចំសេចក្តីព្រាងប្រតិទិន នៃកិច្ចប្រជុំសាមញ្ញរបស់ក្រុមប្រឹក្សាក្រុង សម្រាប់រយៈ ពេលដប់ពីរ (១២)ខែ ចាប់ពីកិច្ចប្រជុំសាមញ្ញលើកទី២
៣. របាយការណ៍ ស្តីពីលទ្ធផលការងាររបស់រដ្ឋបាលក្រុងខេមរភូមិន្ទ នៅក្នុងអាណត្តិទី៣ និង ការងារសេសសល់ ទិសដៅការងាររយៈពេល៣ខែ ដែលត្រូវអនុវត្តបន្ត
៤. បញ្ហាផ្សេងៗ ។
កិច្ចប្រជុំនេះ មានការអញ្ជើញចូលរួមពី ក្រុមប្រឹក្សាក្រុង គណៈអភិបាលក្រុង ចៅសង្កាត់ ប្រធាន ការិយាល័យប្រជាពលរដ្ឋក្រុង នាយក នាយករងរដ្ឋបាល ប្រធានអង្គភាព និងប្រធានការិយាល័យចំណុះ សាលាក្រុង អធិការនគរបាលក្រុង មេបញ្ជាការកងរាជអាវុធហត្ថក្រុង មេបញ្ជាការផ្នែកសឹករងក្រុង តំណាងសាធារណជន និងអង្គការសង្គមស៊ីវិលដែលមានទីស្នាក់ការក្នុងក្រុង។
កាលបរិច្ឆេទ៖ ថ្ងៃសុក្រ ៧រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែមិថុនា ឆ្នាំ២០២៤ វេលាម៉ោង ៨:០០នាទីព្រឹក នៅសាលប្រជុំសាលាក្រុងខេមរភូមិន្ទ។ អាស្រ័យដូចបានជម្រាបជូនខាងលើ សូមលោក លោកស្រី និងអ្នកពាក់ព័ន្ធទាំងអស់ក្នុងក្រុង ខេមរភូមិន្ទ មេត្តាជ្រាបជាព័ត៌មាន។
#ប្រភពពីរដ្ឋបាលក្រុងខេមរភូមិន្ទ#
