រដ្ឋបាលខេត្តកោះកុង

រដ្ឋបាលខេត្តកោះកុង៖ លោក សុខ សុទ្ធី អភិបាលរងនៃគណៈអភិបាលខេត្តកោះកុង បានដឹកនាំកិច្ចប្រជុំពិភាក្សា និងពិនិត្យទិន្នន័យដីរបស់ឈ្មោះ ឯម សៀកឡន និង នាង ម៉ីហុង ដែលស្ថិតក្នុងតំបន់សហគមន៍ នៃដែនជម្រកសត្វព្រៃពាមក្រសោប នៅភូមិតាចាត ឃុំទួលគគីរ ស្រុកមណ្ឌលសីមា ខេត្តកោះកុង ដែលប្រព្រឹត្តទៅនៅថ្ងៃទី១២ ខែឧសភា ឆ្នាំ២០២០ វេលាម៉ោង ៩:៣០ នាទី នៅសាល «ក» សាលាខេត្តកោះកុង។

សូមជម្រាបថា ទិន្នន័យដែលបានយកមកពិភាក្សានេះ គឺបានរៀបចំ និងចុះវាស់វែងនៅទីតាំងជាក់ស្តែងកាលពីថ្ងៃទី៧ ខែមេសា ឆ្នាំ២០២០ ដោយក្រុមការងារថ្នាក់ខេត្តមានសមាសភាពដោយសង្ខេបដូចខាងក្រោម៖

• លោក សុខ សុទ្ធី អភិបាលរងខេត្ត និងជាប្រធានក្រុមការងារ
• លោក ប៉ែន ប៊ុនឈួយ អភិបាលរងនៃគណៈអភិបាលស្រុកមណ្ឌលសីមា
• លោក រស់ វីរ៉ាវុធ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី
• លោក ម៉ន ផល្លា ប្រធានមន្ទីរបរិស្ថានខេត្តកោះកុង
• លោក អ៊ួង សំអឿន នាយកទីចាត់ការអន្តរវិស័យ
• លោក រស់ ស៊ីថា ប្រធានការិយាល័យ ដ.ន.ស.ភ ស្រុកមណ្ឌលសីមា
• លោក អ៊ុល រ៉ាន់ នាយកដែនជម្រកសត្វព្រៃពាមក្រសោប
• លោក រស់ ជីវិន ប្រធានការិយាល័យគ្រប់គ្រងការអភិវឌ្ឍនិងសំណង់
• លោកស្រី គឹម សុខេម មេឃុំទួលគគីរ