ដោយមានការចាត់តាំងពីលោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ បានចាត់លោក ប៊ូ វាសនា ប្រធានការិយាល័យសេដ្ឋកិច្ច និងអភិវឌ្ឍន៍សហគមន៍ លោក សុក ហុង មន្ត្រីការិយាល័យកសិកម្ម ធម្មជាតិ បរិស្ថាន បានសហការជាមួយលោក ហ៊ិន ឡា នាយផ្នែកជលផលបូទុមសាគរ (មន្ទីរកសិកម្មខេ្តកោះកុង) លោក អន អឿន ជំទប់ទី២ ឃុំអណ្ដូងទឹក និង លោកស្រីផាង សុខា អនុភូមិតាមាឃ បានចុះពិនិត្យជាក់ស្ដែងស្ដែងលើទីតាំងដែលបានបោះបង្គោលស៊ុំគ្រែងបិទផ្លូវចេញចូលរវាងប្រជានេសាទ និងម្ចាស់ស៊ុំគ្រែង ស្ថិតនៅភូមិតាមាឃ ឃុំអណ្ដូងទឹក ស្រុកបូទុមសាគរ ខេត្តកោះកុង។
+ ជាលទ្ធផល
ដោយមានការសម្របសម្រួលពីលោក ហ៊ិន ឡា នាយផ្នែកជលផលបូទុមសាគរ និងលោក ប៊ូ វាសនា ប្រធានការិយាល័យសេដ្ឋកិច្ចនិងអភិវឌ្ឍន៍សហគមន៍ ម្ចាស់ស៊ុំគ្រែងបានយល់ព្រមដកបង្គោលស៊ុំគ្រែងដោយទុកចន្លោះសម្រាប់ប្រជានេសាទងាយស្រួលក្នុងការធ្វើដំណើរចេញចូលវិញ។
ប្រភពៈរដ្ឋបាលស្រុកបូទុមសាគរ
=================
ថ្ងៃអង្គារ ៥ រោច ខែមិគសិរ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី១៣ ខែធ្នូ ឆ្នាំ២០២២
December 13, 2022