ក្រុមការងារការិយាល័យសុវត្ថិភាពចរាចរណ៍ផ្លូវគោកខេត្តកោះកុង បានចុះផ្សព្វផ្សាយ ស្តីពីការបង្ការ ទប់ស្កាត់គ្រោះថ្នាក់ចរាចរណ៍ផ្លូវគោក ក្នុងឱកាសពិធីបុណ្យកាន់បិណ្ឌ ភ្ជុំបិណ្ឌប្រពៃណីជាតិខ្មែរ
កាលពីថ្ងៃសុក្រ ៦ រោច ខែភទ្របទ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៦ ខែកញ្ញា ឆ្នាំ២០២២ លោក ផាត់ សេង អនុប្រធានមន្ទីរ បានដឹកនាំក្រុមការងារការិយាល័យសុវត្ថិភាពចរាចរណ៍ផ្លូវគោក នៃមន្ទីរសាធារណការ និងដឹកជញ្ជូនខេត្តកោះកុង បានចុះផ្សព្វផ្សាយ ស្តីពីការបង្ការ ទប់ស្កាត់គ្រោះថ្នាក់ចរាចរណ៍ផ្លូវគោក ក្នុងឱកាសពិធីបុណ្យកាន់បិណ្ឌ ភ្ជុំបិណ្ឌប្រពៃណីជាតិខ្មែរ របស់គណៈកម្មាធិការជាតិសុវត្ថិភាពចរាចរណ៍ផ្លូវគោក និងបានចែកខិតបណ្ណ អប់រំពីសុវត្ថិភាពចរាចរណ៍ផ្លូវគោក ឯកសារជំនួយស្មារតី និងសៀវភៅអ្វីដែលអ្នកបេីកបរទោចក្រយានយន្តត្រូវយល់ដឹង ដល់អ្នករត់ម៉ូតូឌុប អ្នករត់ម៉ូតូកង់៣ នៅក្រុងខេមរភូមិន្ទ និងស្រុកមណ្ឌលសីមា ដើម្បីជាការពញ្ញាក់ស្មារតីបងប្អូនប្រជាពលរដ្ឋ ដែលជាអ្នកប្រើប្រាស់ផ្លូវ អោយមានការប្រុងប្រយ័ត្នរាល់ពេលធ្វេីដំណេីរ។
