រដ្ឋបាលខេត្តកោះកុង

លោក អន ដាវុធ ប្រធានមន្ទីរសាធារណការ និងដឹកជញ្ជូនខេត្ដកោះកុង និងមន្ដ្រីរាជការ មន្ដ្រីជាប់កិច្ចសន្យា បុគ្គលិក កម្មករ ក្រោមឱវាទទាំងអស់ សូមគោរពថ្លែងអំណរគុណដ៏ជ្រាលជ្រៅបំផុត ចំពោះ ឯកឧត្ដម ស៊ុន ចាន់ថុល ទេសរដ្ឋមន្ដ្រី រដ្ឋមន្ដ្រីក្រសួងសាធារណការ និងដឹកជញ្ជូន បានផ្ដល់ម៉ាស៊ីនចម្រោះទឹកស្អាតបំពាក់ជាមួយបច្ចេកវិទ្យាថ្មី ហៅកាត់ថា (ទឹកបរិសុទ្ធដោយបរិយាកាស-WATERGEN) ដែលអាចធានានូវគុណភាព ស្ថេរភាព និងរសជាតិទឹកបន្សុទ្ធចេញពីបរិយាកាសជុំវិញខ្លួនយើងផ្ទាល់ សម្រាប់ប្រើប្រាស់ក្នុងមន្ទីរ។

យើងខ្ញុំ ជាមន្រ្តីរាជការ មន្រ្តីជាប់កិច្ចសន្យា បុគ្គលិក កម្មករ នៃមន្ទីរសាធារណការ និងដឹកជញ្ជូនខេត្តកោះកុងទាំងអស់ សូមគោរពជូនពរ ឯកឧត្តមទេសរដ្ឋមន្ត្រី សូមមានកម្លាំង ពលំមាំមួន ប្រាជ្ញាឈ្លាសវៃ ដើម្បីដឹកនាំកសាង និងអភិវឌ្ឍលើវិស័យសាធារណការ និងដឹកជញ្ជូន ឲ្យកាន់តែប្រសើរថែមទៀត និងសូមបួងសួងដល់គុណបុណ្យ ព្រះរតនត្រ័យកែវទាំងបី និងវត្ថុស័ក្តិសិទ្ធិក្នុងលោក សូមប្រោសព្រំ ប្រសិទ្ធពរជ័យ បវរសួស្តី សិរីមង្គល វិបុលសុខជូនដល់ ឯកឧត្តមទេសរដ្ឋមន្ត្រី និងលោកជំទាវ ព្រមទាំងបុត្រាបុត្រី ចៅប្រុស ចៅស្រី ជាទីស្រលាញ់ សូមសមប្រកបសុខ និងចម្រើន ព្រមទាំងពុទ្ធពរបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕