រដ្ឋបាលខេត្តកោះកុង

ថ្ងៃពុធ ១០កើត ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១២ ខែមករា ឆ្នាំ២០២២

លោក ប្រាក់ ប៊ុន្នី នាយខណ្ឌរដ្ឋបាលព្រៃឈើកោះកុង លោក ជួប ជឿន នាយរងទទួលបន្ទុករួមផ្នែករដ្ឋបាលព្រៃឈើស្រែអំបិល លោក នេត និវិន្ទ នាយសង្កាត់រដ្ឋបាលព្រៃឈើដងពែង និងលោក ទូច វន្ថា នាយរងសង្កាត់រដ្ឋបាលព្រៃឈើស្រែអំបិល បានចូលរួមពិធីផ្សព្វផ្សាយច្បាប់ និងពង្រឹងការអនុវត្តច្បាប់ស្ដីពីព្រៃឈើ។ ប្រព្រឹត្តទៅនៅស្នាក់ការសហគមន៍ព្រៃឈើសាមគ្គីព្រែកជីក ឃុំជីខលើ ស្រុកស្រែអំបិល ខេត្តកោះកុង ក្រោមអធិបតីភាពលោក ហម សារាវុធ  អនុប្រធានរដ្ឋបាលព្រៃឈើ។

ដោយមានការអញ្ជើញចូលរួមពីក្រុមប្រឹក្សាឃុំជីខលើ គណៈកម្មការគ្រប់គ្រងសហគមន៍ព្រៃឈើ និងសមាជិកសហគមន៍ព្រៃឈើ មានអ្នកចូលរួមចំនួន ២៥នាក់ ស្រី ០៩នាក់។

បានចុះអនុវត្តជាក់ស្ដែងការងារល្បាតការពារព្រៃសហគមន៍ ការចុះពិនិត្យតំបន់ដាំស្ដារព្រៃឈើឡើងវិញ  និងចុះពិនិត្យផ្ទៀងផ្ទាត់ចំណុចទីតាំងបង្គោលព្រំព្រៃសហគមន៍។

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង