រដ្ឋបាលខេត្តកោះកុង

មន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ខេត្តកោះកុង បានបើកកិច្ចប្រជុំបូកសរុបលទ្ធផលការងារប្រចាំឆ្នាំ២០២១ និងទិសដៅការងារបន្តសម្រាប់ឆ្នាំ២០២២។
ជាកិច្ចចាប់ផ្ដើមលោកប្រធានមន្ទីរ បានមានមតិស្វាគមន៍ដល់អង្គប្រជុំទាំងមូលនិងចាប់ផ្ដើមបើកកម្មវិធីសម្រាប់ការរាយការណ៍អំពីលទ្ធផលការងារសម្រេចបានប្រចាំឆ្នាំ ២០២១ របស់ការិយាល័យនិមួយៗនៃមន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ខេត្តកោះកុង។
ជាកិច្ចបន្ទាប់ការិយាល័យនីមួយៗបានគោរពរាយការណ៍ជូនអង្គប្រជុំទាំងមូលអំពីរបាយការណ៍លទ្ធផលដែលសម្រេចបាន,បញ្ហាប្រឈម និងដំណោះស្រាយ សម្រាប់ការងារឆ្នាំ ២០២១ និងលើកទិសដៅការងារបន្តសម្រាប់ឆ្នាំ ២០២២ ។ ក្នុងនោះផងដែរមន្ទីរក៏បានអនុវត្តតាមដីកាលេខ ០៤២/២០ ដក ចុះថ្ងៃទី ៣១ ខែធ្នូ ឆ្នាំ ២០២០ របស់រដ្ឋបាលខេត្ត ស្ដីពីការតែងតាំងនិងផ្ទេរភារកិច្ចជូនមន្ត្រីរាជការ និងលិខិតលេខ ០១៣/២១ ដក ចុះថ្ងៃទី ២៣ ខែមីនា ឆ្នាំ ២០២១ ស្ដីពីការតែងតាំងឡើងវិញជូនមន្ត្រីរាជការ។
បន្ទាប់មកលោកប្រធានក៏បានផ្ដល់កិត្តិយសប្រគល់ដីការតែងតាំង តែងតាំងឡើងវិញជូនមន្ត្រីដែលមានឈ្មោះនៅក្នុងដីកានោះ និងបានប្រគល់ប្រាក់រង្វាន់ចែកជូនដល់មន្ត្រីគ្រប់ៗគ្នា។
ជាកិច្ចបញ្ចប់លោកប្រធាន បានថ្លែងអំណរគុណ ដល់មន្ត្រីទាំងអស់ដែលបានខិតខំប្រឹងប្រែងបំពេញការងារបានល្អ ហើយក៏សូមឱ្យការខិតខំប្រឹងប្រែងនេះមានការអភិវឌ្ឍជាបន្តបន្ទាប់ទៅមុខទៀត និងក៏សូមជៀសផុតពីជំងឺកូវីដ-១៩ ទាំងអស់គ្នា ។

ព្រឹកថ្ងៃពុធ ៣ កើត ខែបុស្ស ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី៥ ខែមករា ឆ្នាំ២០២២។