សិក្ខាសាលាស្តីពីការផ្សព្វផ្សាយគោលនយោបាយ និងឯកសារគតិយុត្តពាក់ព័ន្ធការគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជាប្រកបដោយចីរភាព នៅមន្ទីរបរិស្ថានខេត្តកោះកុង
សិក្ខាសាលាស្តីពីការផ្សព្វផ្សាយគោលនយោបាយ និងឯកសារគតិយុត្តពាក់ព័ន្ធការគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជាប្រកបដោយចីរភាព នៅមន្ទីរបរិស្ថានខេត្តកោះកុង ក្រោមអធិបតីភាពឯកឧត្តម នី ផល្លី អគ្គលេខាធិការរង នៃគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក.) និងជាអនុរដ្ឋលេខាធិការ នៃក្រសួងទេសចរណ៍ និងចូលរួមជាគណៈអធិបតីរួមាន ឯកឧត្តម ប៊ុន បៀវ សមាជិកក្រុមប្រឹក្សាខេត្តកោះកុង និងលោក ទូ សាវុធ អភិបាលរងនៃគណៈអភិបាលខេត្តកោះកុង ដែលមានការចូលរួមពីសមាជិក នៃ គ.អ.ឆ.ក. ខេត្ត និងអង្គភាពពាក់ព័ន្ធជុំវិញខេត្ត សរុបប្រមាណ ៧៥ នាក់។
សិក្ខាសាលានេះមានគោលបំណងបង្ហាញអំពី ១) សារាចរណែនាំស្តីពីការអភិវឌ្ឍតំបន់ឆ្នេរសមុទ្រកម្ពុជា ២) គោលការណ៍ណែនាំអភិវឌ្ឍន៍រមនីយដ្ឋាន និងការគ្រប់គ្រងឆ្នេរខ្សាច់កំសាន្ត ៣) ការអភិរក្សជីវចម្រុះសមុទ្រ និងតំបន់ឆ្នេរសមុទ្រតាមរយៈការបង្កើតឧទ្យានជាតិសមុទ្រ និង ៤) ការគ្រប់គ្រងសំណល់រឹងរាវនៅតំបន់ឆ្នេរសមុទ្រ។
