ស្រុកកោះកុង ៖ នៅរសៀលថ្ងៃអង្គារ ៩ កើត ខែស្រាពណ៍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៧ ខែសីហា ឆ្នាំ២០២១ លោក ជា សូវី អភិបាល នៃគណៈអភិបាលស្រុកកោះកុង ដឹកនាំក្រុមការងារ ចុះត្រួតពិនិត្យដំណើរការជួសជុលផ្លូវក្រាលក្រួសក្រហម០១ខ្សែទៅកាន់ភូមិកោះកុងក្នុង ក្នុងឃុំត្រពាំងរូង ដែលបានរងការខូតខាតនៅកំឡុងពេលភ្លៀងធ្លាក់ជាប់ជាច្រើនថ្ងៃដែលបណ្តាលឱ្យមានការហូរច្រោះផ្លូវ ពិបាកដល់ការធ្វើដំណើររបស់បងប្អូនប្រជាពលរដ្ឋ ជាពិសេសពុទ្ធបរិស័ទដែលមានបំណងចង់មកធ្វើបុណ្យនៅវត្តព្រះពុទ្ធកោះកុងក្នុងនៅកំឡុងពេលចាំព្រះវស្សា មានភាពងាយស្រួលក្នុងការធ្វើដំណើរ។
សមាសភាពចូលរួមមានលោក លោកស្រីអភិបាលរងស្រុក នាយករងសាលាស្រុក និងការិយាល័យ អង្គភាពពាក់ព័ន្ធចំណុះរដ្ឋបាលស្រុកកោះកុង។
