លោក ផៃធូន ផ្លាមកេសន អភិបាលស្តីទី ខេត្តកោះកុង អមដំណើរដោយលោកអភិបាលក្រុង លោកនាយកទីចាត់ការហិរញ្ញវត្ថុខេត្ត លោកប្រធានអង្គភាពលទ្ធកម្មខេត្ត និងលោកចៅសង្កាត់ មេភូមិ បានអញ្ជើញចុះពិនិត្យការដ្ឋានស្ថាបនាផ្លូវបេតុង និងពិនិត្យមើលស្ថានភាពផ្លូវនានា ក្នុងសង្កាត់ទាំងបី នៃក្រុងខេមរភូមិន្ទ ដើម្បីត្រៀមស្ថាបនា នៅពេលខាងមុខ ដែលជាគម្រោងថវិកាអភិវឌ្ឍន៍របស់រដ្ឋបាលខេត្តកោះកុង ឆ្នាំ២០១៩ ក្នុងនោះ គឺសង្កាត់ស្មាច់មានជ័យ ចំនួន ០៩ ខ្សែ និងលូជ្រុង ០១ ខ្សែ សង្កាត់ដងទង់ ០២ ខ្សែ និងសង្កាត់ស្ទឹងវែង ០២ ខ្សែ។ នឹងមានគម្រោងស្ថាបនាផ្លូវជាច្រើនខ្សែទៀត ក្នុងភូមិនានា ទូទាំងក្រុង គឺគម្រោងថវិការបស់សង្កាត់ ថវិកាក្រុង និងថវិកាខេត្តឆ្នាំ២០២០ខាងមុខ។
