សកម្មភាពចុះត្រួតពិនិត្យជនជាតិ ដែលមានការសង្ស័យ ឬពាក់ព័ន្ធនឹងជំងឺកូវីដ-១៩ ក្នុងព្រឹត្តការណ៍ថ្ងៃទី២០ ខែកុម្ភៈ នៅរាជធានីភ្នំពេញ នៅឃុំកោះស្តេច ស្រុកគិរីសាគរ ខេត្តកោះកុង
នាព្រឹកថ្ងៃទី២១ ខែកុម្ភៈ ឆ្នាំ២០២១ អនុវត្តតាមអនុសាសន៍ដ៏ខ្ពង់ខ្ពស់របស់នាយករដ្ឋមន្រ្តី នៃព្រះរាជាណាចក្រកម្ពុជា តាមការណែនាំរបស់លោកជំទាវអភិបាលខេត្ត លោក ចេង មុនីរិទ្ធ អភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុក បានចាត់តាំង លោក ទួន ឪទី អភិបាលរងស្រុក ដឹកនាំក្រុមការងារចុះត្រួតពិនិត្យករណីជនជាតិចំនួន២១ នាក់ ដែលមានការសង្ស័យ ឬពាក់ព័ន្ធនឹងជំងឺកូវីដ-១៩ ក្នុងព្រឹត្តិការណ៍ថ្ងៃទី២០ ខែកុម្ភៈ នៅរាជធានីភ្នំពេញ នៅតាមកំពង់ផែ ផ្ទះសំណាក់ ភោជនីយ៍ដ្ឋាន នៅភូមិកោះស្តេច ឃុំកោះស្តេច ឱ្យតាមដាន និងយកចិត្តទុកដាក់ខ្ពស់ ក្នុងការការពារ ជំងឺកូវីដ-១៩ ហេីយបានណែនាំដល់ម្ចាស់កំពង់ផែ ផ្ទះសំណាក់ ភោជនីយ៍ដ្ឋាននីមួយៗ ផ្សព្វផ្សាយ និងអនុវត្តន៍តាមវិធានការណ៍របស់រាជរដ្ឋាភិបាល និងក្រសួងសុខាភិបាល ក្នុងការទប់ស្កាត់ឱ្យបានល្អបំផុតក្នុងការឆ្លងចូលដល់សហគមន៍ទ្រង់ទ្រាយធំ នាពេលរសៀលបានចុះត្រួតពិនិត្យ នៅក្រុមហ៊ុន យូ ញៀន កំពង់អៅស៊ីវវង់ ប្រសិនបេីមានករណីសង្ស័យ ត្រូវរាយការណ៍បន្ទាន់ដល់អាជ្ញាធរមូលដ្ឋាន។
