នាយកសាខាកាកបាទក្រហម សហការជាមួយ ក្រុមគ្រូពេទ្យនៃមន្ទីរពេទ្យខេត្តកោះកុង បាន ចុះសួរសុខទុក្ខនិងនាំយក ថវិកាមនុស្សធម៌ ផ្តល់ជូនគ្រួសារអ្នកជម្ងឺជួបការលំបាក និងមានជម្ងឺប្រចាំកាយ ចំនួន០២គ្រួសារ ដែលកំពុងសម្រាកព្យាបាលជម្ងឺនៅមន្ទីរពេទ្យខេត្តកោះកុង
លោកជំទាវ មិថុនា ភូថង ប្រធានគណៈកម្មាធិការសាខា បានចាត់អោយ លោក ឈួន យ៉ាដា នាយកសាខា សហការជាមួយ ក្រុមគ្រូពេទ្យនៃមន្ទីរពេទ្យខេត្តកោះកុង បាន ចុះសួរសុខទុក្ខនិងនាំយក ថវិកាមនុស្សធម៌ ផ្តល់ជូនគ្រួសារអ្នកជម្ងឺជួបការលំបាក និងមានជម្ងឺប្រចាំកាយ ចំនួន០២គ្រួសារ ដែលកំពុងសម្រាកព្យាបាលជម្ងឺនៅមន្ទីរពេទ្យខេត្តកោះកុង ។
នាឱកាសនោះលោកនាយកសាខា បានពាំនាំនូវប្រសាសន៍ផ្ដាំផ្ញើសួរសុខទុក្ខពីលោកជំទាវ មិថុនា ភូថង ប្រធានគណៈកម្មាធិការសាខា ពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ និងសូមកុំអស់សង្ឃឹម ត្រូវបន្តការថែទាំសុខភាពដើម្បីឆាប់បានធូរស្បើយ។
ថវិកាដែលបានផ្ដល់ជូនក្នុងមួយគ្រួសារៗទទួលបាន ថវិកា ២០០,០០០រៀលដូចៗគ្នា។
