លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញទទួលសម្ភារ និងគ្រឿងឧបភោគបរិភោគ ពីលោក សំ វីរៈ ដែលជាអាជីវករ ដើម្បីចូលរួមជាមួយរដ្ឋបាលខេត្ត ក្នុងការទប់ស្កាត់ការរីករាលដាល នៃជំងឺកូវីដ-១៩
លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញទទួលសម្ភារ និងគ្រឿងឧបភោគបរិភោគ ពីលោក សំ វីរៈ អាជីវករលក់ដូរ ដើម្បីចូលរួមជាមួយរដ្ឋបាលខេត្ត ក្នុងការទប់ស្កាត់ការរីករាលដាល នៃជំងឺកូវីដ-១៩។
ក្នុងឱកាសនោះដែរ លោកជំទាវអភិបាលខេត្ត សូមថ្លែងអំណរគុណយ៉ាងជ្រាលជ្រៅចំពោះលោក សំ វីរៈ និងក្រុមគ្រួសារ ដែលតែងតែជួយឧបត្ថម្ភគាំទ្រ ដល់រដ្ឋបាលខេត្តកោះកុង រាល់សកម្មភាពនានាកន្លងមក ដូចជាពេលនេះផងដែរ សម្ភារ និងគ្រឿងឧបភោគបរិភោគទាំងនេះជាការចែករំលែក ជូនដល់រដ្ឋបាលខេត្ត និងជួយដល់ប្រជាពលរដ្ឋ ដើម្បីដោះស្រាយបញ្ហាជីវភាព ក្នុងវិបត្ដិកូវីដ-១៩ និងសូមជូនពរ លោក និងក្រុមគ្រួសារប្រកបរបរអាជីវកម្ម ទទួលបានលទ្ធផលល្អ និងជោគជ័យ៕
