រដ្ឋបាលខេត្តកោះកុង

លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញដឹកនាំគណៈប្រតិភូ ជូនពរថ្នាក់ដឹកនាំខេត្តកាម៉ាវ និងប្រជាជនវៀតណាម នៃសាធារណរដ្ឋសង្គមនិយមវៀតណាម ក្នុងឱកាសបុណ្យចូលឆ្នាំថ្មី ប្រពៃណីវៀតណាម។

លោកជំទាវអភិបាលខេត្ត សូមចូលរួមអបអរសាទរ និងសូមជូនពរ ឯកឧត្តម លោកជំទាវ លោក លោកស្រី និងបងប្អូនប្រជាជនវៀតណាម ក្នុងឱកាសបុណ្យចូលឆ្នាំប្រពៃណីវៀតណាមនាពេលខាងមុខ សូមអោយជួបប្រទះសេចក្តីសុខ សេចក្តីចំរើន និងសូមថ្លែងអំណរគុណ ដល់កិច្ចសហប្រតិបត្តិការកន្លងមក និងបន្តទៅមុខទៀត គុណបំណាច់ទាំងនេះជំរុញអោយប្រជាពលរដ្ឋកម្ពុជា មានឱកាសក្នុងការកសាងប្រទេស រហូតមានការអភិវឌ្ឍលើគ្រប់វិស័យ។ នាងខ្ញុំសង្ឃឹមថាខេត្តកោះកុង និងខេត្តកាម៉ាវ ពិតជាបន្តកិច្ចសហការ ក្នុងគោលបំណងពង្រឹង និងពង្រីកទំទាក់ទំនងកាន់តែល្អបន្ថែមទៀត រវាងខេត្ត និងខេត្ត ប្រជាពលរដ្ឋ និងប្រជាពលរដ្ឋ។