សេចក្តីសម្រេចលេខ០១៨/២១ ស.ស.រ ស្តីពី ការបង្កើតក្រុមការងារមន្តី្របង្គោលព័ត៌មានវិទ្យា នៃរដ្ឋបាលស្រុកកោះកុង ខេត្តកោះកុង
ស្រុកកោះកុង ៖ ថ្ងៃពុធ ៤ រោច ខែទុតិយាសាឍ ឆ្នាំឆ្លូវ ត្រីស័កពុទ្ធសករាជ ២៥៦៥ ត្រូវនឹងថ្ងៃទី២៨ ខែកក្កដា ឆ្នាំ២០២១ រដ្ឋបាលស្រុកកោះកុងបានចេញសេចក្តីសម្រេចលេខ០១៨/២១ ស.ស.រ ស្តីពី ការបង្កើតក្រុមការងារមន្តី្របង្គោលព័ត៌មានវិទ្យា នៃរដ្ឋបាលស្រុកកោះកុង ដើម្បីលើកកម្ពស់ការងារផ្សព្វផ្សាយព័ត៌មាន និងសកម្មភាពរបស់ថ្នាក់ដឹកនាំរួមមាន ក្រុមប្រឹក្សាស្រុក គណៈអភិបាលស្រុក ការិយាល័យ អង្គភាពចំណុះរដ្ឋបាលស្រុក កងកម្លាំងទាំង៣ប្រភេទ រដ្ឋបាលឃុំទាំងបួន នៃស្រុកកោះកុង ព្រមទាំងការងារសង្គមរបស់សហភាពសហព័ន្ធយុវជនកម្ពុជាស្រុកកោះកុង(ស.ស.យ.ក) និងអនុសាខាកាកបាទក្រហមកម្ពុជាស្រុកកោះកុង ជាមួយគោលបំណងប្រែក្លាយ គេហទំព័រ និង ហ្វេសប៊ុកផេក(Facebook page) របស់រដ្ឋបាលស្រុកកោះកុង ទៅជាបណ្ណាល័យព័ត៌មាន និង បណ្ដុំសកម្មភាពរបស់ថ្នាក់ដឹកនាំ បែបឌីជីថល ជាមួយការគ្រប់គ្រង និងជំរុញការប្រើប្រាស់បណ្តាញសង្គមរបស់រដ្ឋបាលស្រុកកោះកុងឱ្យខិតជិតទៅដល់អ្នកទទួលផល ព្រមទាំងបញ្ជ្រាបការយល់ដឹង អំពីការប្រើប្រាស់ និងអត្ថប្រយោជន៍នៃការប្រើប្រាស់គេហទំព័រ និងបណ្តាញសង្គមដល់មន្រ្តីរាជការ និងសាធារណៈជន។
