រដ្ឋបាលខេត្តកោះកុង

ស្រុកកោះកុង: ឃុំតាតៃក្រោម ថ្ងៃសៅរ៍ ១៥រោច ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៣ ខែមិនា ឆ្នាំ២០២១ លោក ធិន សម្បត្តិ មេឃុំ បានដឹកនាំកម្លាំងរួមមាន ប៉ុស្តិ៍រដ្ឋបាលតាតៃក្រោម មន្ត្រីប៉ុស្តិ៍សុខភាពឃុំតាតៃក្រោម បានចុះត្រួតពិនិត្យតាមដានសុខភាព និងវាស់កំដៅ លើជនជាតិខ្មែរ និងជនជាតិចិន ចំនួន ០៩ នាក់ ស្រី ០៥ នាក់ ដែលកំពុងធ្វើចត្តាឡីស័កនៅរីសតហ្សាហ្គា ស្ថិតនៅភូមិអន្លង់វ៉ាក់ និងនៅថ្ងៃនេះដែរ បានធ្វើចត្តាឡីស័កមួយកន្លែងទៀត នៅផ្ទះលោក លី សុវណ្ណ 2 នាក់ប្តីប្រពន្ធ ស្ថិតនៅភូមិកោះអណ្តែត ទើបមកពីប្រទេសថៃកំពុងដាក់នៅ ដាច់ដោយឡែក រយ:ពេល ១៤ថ្ងៃ នៅរីសតកោះអណ្តែត ភូមិកោះអណ្តែត ឃុំតាតៃក្រោម ស្រុកកោះកុង ខេត្តកោះកុង ។ ក្រោយពីវាស់កំដៅរួចហើយ ឃើញថាពុំមានអ្វីគួរឲ្យកត់ សម្គាល់ឡើយ បន្ទាប់មក ក្រុមការងារឃុំបានណែនាំអោយពួកគាត់អនាម័យខ្ពស់ ពាក់ម៉ាស់លាងដៃ និងអាកល់ជាប្រចាំ ហាមចេញចូលទៅណាមកណា ក្នុងរយ:ពេលកំពុងធ្វើចត្តាលីស័កនេះ ។

ប្រភព: សន សេង