លោក ហាក់ ឡេង អភិបាល នៃគណៈអភិបាលស្រុក និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកបូទុមសាគរ បានដឹកនាំក្រុមការងារ នាំយកអំណោយរបស់អនុសាខាជូនដល់ចាស់ជរាទីទ័លក្រ ចំនួន ១០គ្រួសារ នៅភូមិ តាំកន់

២៦/០២/២០២១(វេលាម៉ោង០៤:០០នាទីរសៀល)

.........................................

លោក ហាក់ ឡេង អភិបាល នៃគណៈអភិបាលស្រុក និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកបូទុមសាគរ បានដឹកនាំក្រុមការងារ នាំយកអំណោយរបស់អនុសាខាជូនដល់ចាស់ជរាទីទ័លក្រ ចំនួន ១០គ្រួសារ នៅភូមិ តាំកន់ ឃុំកណ្តោល ស្រុកបូទុមសាគរ ខេត្តកោះកុង។

នាឱកាសនោះលោក ហាក់ ឡេង ប្រធានអនុសាខា និងក្រុមការងារបានពាំនាំនូវប្រសាសន៍ផ្ដាំផ្ញើសួរសុខទុក្ខពីលោកជំទាវមិថុនា ភូថង ប្រធានគណៈកម្មាធិការសាខា ឯកឧត្តម ប៊ុន លើត ប្រធានកិត្តិយសសាខា ពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ពិសេសជនពិការដែលកំពុងជួបការ លំបាក ដោយមិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។

លោកប្រធានអនុសាខ និងក្រុមការងារក៏បានបន្តថា សូមប្រជាពលរដ្ឋទាំងអស់កុំអស់សង្ឃឹម ត្រូវបន្តការថែទាំសុខភាព ហូបស្អាតផឹកស្អាត រស់នៅស្អាត និងត្រូវអនុវត្តនវិធានការបង្ការ និងទប់ស្កាត់ការឆ្លងរីករាលដាលក្នុងសហគមន៍នៃជំងឺកូវីដ-១៩ ដោយផ្តោតលើសារគន្លឹះរបស់ក្រសួងសុខាភិបាល

“ រស់នៅធម្មតា តាមបែបគន្លងថ្មី” និង

" ៣កុំ ៣ការពារ"៖

- ៣ការពារ ៖លាងដៃ ពាក់ម៉ាស់ រក្សាគម្លាត ។

- ៣កុំ ៖ កុំទៅកន្លែងមនុស្សច្រើន កុំនៅកន្លែងបិទជិត កុំប៉ះពាល់គ្នា”។ និងត្រូវប្រុងប្រយ័ត្នចំពោះជំងឺគ្រុនឈាម ជំងឺផ្តាសសាយធំនិងត្រូវចូលរួមគោរពច្បាប់ចរាចរណ៍ទាំងអស់គ្នា ។

សម្ភារ:ដែលអនុសាខាបានផ្ដល់ជូនក្នុងមួយគ្រួសារៗ រួមមាន ៖

- អង្ករ២៥ គក

-ទឹកត្រី ០១យួរ

-ទឹកសុីអុីវ ០១យួរ

- ត្រី ខ ០១ ទ្បូ

-មីខ្លាឃុំ ២០ កញ្ចប់

- ប៊ីចេង ១កញ្ចប់

- អំបិល ១ថង់

និងថវិកា២០.០០០រៀល។

ប្រភពៈ រដ្ឋបាលស្រុកបូទុមសាគរ

=====================

ថ្ងៃសុក្រ ១៥ កើត ខែផល្គុន ឆ្នាំជូត