គណៈបញ្ជាការឯកភាពរដ្ឋបាលស្រុកកោះកុង ចុះផ្សព្វផ្សាយ អនុក្រឹត្យលេខ០៣ អនក្រ.បក ស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំ
ស្រុកកោះកុង ៖ ព្រឹកថ្ងៃទី១៣ ខែសីហា ឆ្នាំ២០២៦ លោក សុវណ្ណ ប៊ុនធឿន អភិបាលស្រុកកោះកុង និងជាប្រធានគណៈបញ្ជាការឯកភាពរដ្ឋបាលស្រុកកោះកុង បានដឹកនាំ កម្លាំងគណៈបញ្ជាការឯកភាពរដ្ឋបាលស្រុកកោះកុង ចុះផ្សព្វផ្សាយ អនុក្រឹត្យលេខ០៣ អនក្រ.បក ស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំ និងប្រកាសអន្តរក្រសួងលេខ ១៦១ សហវ.ប្រក.អទច ស្តីពីបែបបទ និងនិតីវិធីនៃការផាកពិន័យចំពោះម្ចាស់ ឬអ្នកគ្រប់គ្រងទីតាំងរស់នៅប្រមូលផ្តុំ និងធ្វេីការត្រួតពិនិត្យអគារ និងបន្ទប់ស្នាក់នៅរបស់បុគ្គលិកវារីអគ្គិសនីខេមបូឌា តាតៃហ៉ីដ្រូផៅវ័រ លីមីតធីត ស្ថិតនៅភូមិអន្លង់វ៉ាក់ ឃុំតាតៃក្រោម ស្រុកកោះកុង ខេត្តកោះកុង។
សមាសភាពចូលរួមមាន៖ លោកមេឃុំ នាយប៉ុស្តិ៍នគរបាលរដ្ឋបាលឃុំ មេភូមិ ម្ចាស់ទីតាំងប្រមូលផ្តុំ និងប្រជាពលរដ្ឋនៅតាមមូលដ្ឋាន។
