លោក កង កុសល ប្រធានការិយាល័យពុទ្ធិកសិក្សានិងបណ្ណាល័យ តំណាងលោកប្រធានមន្ទីរបានចូលរួមក្នុងពិធីដង្ហែទៀនវស្សា ប្រគេនទេយ្យទាន របស់ឯកឧត្តម វេជ្ជបណ្ឌិត ទៅ មឹង ប្រធានមន្ទីរសុខាភិបាលនៃរដ្ឋបាលខេត្ត ព្រមទាំងមន្ត្រីក្រោមឱវាទ សម្រាប់ប្រគេនព្រះសង្ឃគង់នៅវត្តជលធីគិរីវ័ន ហៅវត្តអន់ឆ្អេីត
លោក កង កុសល ប្រធានការិយាល័យពុទ្ធិកសិក្សានិងបណ្ណាល័យ តំណាងលោកប្រធានមន្ទីរធម្មការនិងសាសនាខេត្ត បានចូលរួមក្នុងពិធីដង្ហែទៀនវស្សា ប្រគេនទេយ្យទាន របស់ឯកឧត្តម វេជ្ជបណ្ឌិត ទៅ មឹង ប្រធានមន្ទីរសុខាភិបាលនៃរដ្ឋបាលខេត្ត ព្រមទាំងមន្ត្រីក្រោមឱវាទ សម្រាប់ប្រគេនព្រះសង្ឃគង់នៅវត្តជលធីគិរីវ័ន ហៅវត្តអន់ឆ្អេីត ក្នុងនោះមានអង្ករ ៥០គីឡូចំនួន៨បាវ ទៀន១គូ មី ទឹកសុទ្ធ ទឹកត្រី ទឹកស៊ីអិវ ទឹកផ្លែឈេី សាដក ព្រមទាំងបច្ច័យបួនសម្រាប់តម្កល់ក្នុងវត្តចំនួន២,០០០,០០០៛ ។
ស្ថិតក្នុងឱកាសដ៏ថ្លៃថ្លានោះឯកឧត្តមប្រធានមន្ទីរបានចាត់ឱ្យ លោក សៅ សូនី ប្រធានការិយាល័យប្រតិបត្តិស្រែអំបិល ធ្វេីបទបង្ហាញស្តីពីការការពារពីជំងឺគ្រុនឈាម ដល់ព្រះសង្ឃ សមណសិស្ស ពុទ្ធបរិស័ទ ។
បន្ថែមពីនោះឯកឧត្តមក៏បានទូលប្រគេនព្រះគ្រូចៅអធិការវត្តដែលជាអ្នកគ្រប់គ្រងសាលាពុទ្ធិកសិក្សានៅទីនោះផងថា សូមព្រះអង្គទំនាក់ទំនងជាមួយមន្ត្រីបុស្តិ៍សុខភាពឃុំ ដេីម្បីរៀបចំសុខភាពសិក្សារបស់សមណសិស្ស អនុញ្ញាតឱ្យមន្ត្រីបុសិ៍បានចុះមកបណ្តុះបណ្តាលស្តីពីការសង្គ្រោះបឋម និងការផ្តល់ថ្នាំពេទ្យ ការប្រេីប្រាស់ថ្នាំផ្សេងៗដែលជួយសមណសិស្សនៅទីនោះ ។
លោក កង កុសល ប្រធានការិយាល័យពុទ្ធិកសិក្សានិងបណ្ណាល័យតំណាងឱ្យលោកប្រធានមន្ទីរ បានសួរសុខទុក្ខសមណសិស្ស និងបានថ្លែងអំណរគុណឯកឧត្តមប្រធានមន្ទីរដែលបានយកចិត្តទុក្ខដាក់ចំពោះសុខភាពសិក្សារបស់សមសិស្សនៃសាលាពុទ្ធិកសិក្សា ដូចដែលឯកឧត្តមបានធ្វេីរួចមកហេីយនៅវត្តទេពនិមិត្តដែលមានសមណសិស្សតូចៗច្រេីនអង្គ ដេីម្បីការពារពីជំងឺផ្សេងៗ ។
ថ្ងៃទី៨ ខែសីហា ឆ្នាំ២០២៦
