មន្ទីរបរិស្ថានខេត្តកោះកុង ៖ ថ្ងៃទី០៦ ខែវិច្ឆិកា ឆ្នាំ២០២០ កម្លាំងមន្ត្រីឧទ្យានុរក្សនៃមន្ទីរបរិស្ថានខេត្តកោះកុងដែលប្រចាំការនៅស្នាក់ការល្បាតជីត្រេះ បានចុះល្បាតរុករកបទល្មើសធនធានធម្មជាតិ ដល់ចំណុចភូមិជីត្រេះ ឃុំ អណ្ដូងទឹក ស្រុកបុទុមសាគរ ខេត្តកោះកុង បានប្រទះឃើញដីព្រៃដែលរងការកាប់រាន និងលាបថ្នាំសម្គាល់ក្នុងគោលបំណងចាប់យកដីព្រៃធ្វើកម្មសិទ្ធខុសច្បាប់ ដែលមានទំហំប្រហែល ២ហិកតា។ កម្លាំងយើងបានចុចយកចំណុចនិយាមកានិងបន្តចាត់វិធានការដើម្បីស៊ើបរកជនល្មើសមកផ្តន្ទាទោសតាមច្បាប់៕
