01/11/2020 វេលាម៉ោង ១០:៣០នាទីព្រឹក
===================
ដោយមានការយកចិត្តទុកដាក់ពីសំណាក់ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង លោក ហាក់ ឡេងអភិបាល នៃគណៈអភិបាលស្រុកបូទុមសាគរ បានចាត់អោយ លោក ខេង គង់ នាយករងរដ្ឋបាលស្រុក ដឹកនាំក្រុមការងារ និងអាជ្ញាធរភូមិឃុំ ចុះសួរសុខទុក្ខ និងនាំយកអំណោយផ្តល់ជូនក្រុមគ្រួសារលោកស្រី ឈួន រ៉េន ដែលកូនស្រីរបស់គាត់បានដួលប៉ះទង្កិចក្នុងការលេងកីឡាបាល់ទាត់បាក់ឆ្អឹងស្មងជើង (ជើងស្តាំ) ស្ថិតនៅភូមិព្រលាន ឃុំកណ្តោល ស្រុកបូទុមសាគរ ខេត្តកោះកុងដែលសម្រាកព្យាបាលជម្ងឺនៅគេហដ្ឋាន។
នាឱកាសនោះក្រុមការងារ បានពាំនាំនូវប្រសាសន៍ផ្ដាំផ្ញើសួរសុខទុក្ខពីសំណាក់លោក ហាក់ ឡេង អភិបាល នៃគណៈអភិបាលស្រុកបូទុមសាគរ ជាពិសេស លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ពិសេសសុខភាពមាតា កុមារ និងទារក ជួបការលំបាកដូចពេលនេះ ដោយមិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ព្រមទាំងបានជម្រុញអោយលោកស្រី ឈួន រ៉េនយកកូនស្រីទៅពិនិត្យ និងព្យបាលជម្ងឺនៅរាជធានីភ្នំពេញ។
លោកជំទាវ អភិបាលខេត្ត បានឧបត្ថម្ភថវិកា ១,០០០,០០០រៀល និងសម្ភារៈមួយចំនួន ដូចជា ទឹកសុទ្ធ២កេះ នំកញ្ចប់៤ប្រអប់ទឹកដោះគោឆៅ ២ឡូ ទឹកគោជូ២យួរ ផងដែរ។
ប្រភពៈ រដ្ឋបាលស្រុកបូទុមសាគរ
====================
ថ្ងៃអាទិត្យ ១ រោច ខែកត្តិក ឆ្នាំជូត
ទោស័ក ពុទ្ធសករាជ ២៥៦៤
ត្រូវនឹងថ្ងៃទី១ ខែវិច្ឆិកា ឆ្នាំ២០២០
November 1, 2020
ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក (Water Festival)
