រដ្ឋបាលខេត្តកោះកុង

កម្លាំងជំនាញការិយាល័យប្រឆាំងគ្រឿងញៀននៃមន្ទីរស្រាវជ្រាវនិងបង្រ្កាបបទល្មើស នៃបញ្ជាការដ្ឋានកងរាជអាវុធហត្ថខេត្ត ដឹកនាំដោយលោកវរសេនីយ៍ឯក នួន វុត្ថា មេបញ្ជាការរងទទួលការងារជំនាញ បានចុះផ្សព្វផ្សាយ អប់រំស្ដីពីផលប៉ះពាល់នៃគ្រឿងញៀន បារីអេឡិចត្រូនិច និងការប្រើប្រាស់ App Nodrug តាមទូរសព្ទដៃ។
ការផ្សព្វផ្សាយនេះដែរ បានធ្វើឡើងនៅទីតាំងចំនួន២ គឺវិទ្យាល័យ ហ៊ុន សែន ចាំយាម ស្ថិតភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង និងនៅវិទ្យាល័យ ហ៊ុន សែន ប៉ាក់ខ្លង ស្ថិតក្នុងភូមិ២ ឃុំប៉ាក់ខ្លង ស្រុកមណ្ឌលសីមា ខេត្តកោះកុង ដែលមានលោកគ្រូអ្នកគ្រូ និងសិស្សានុសិស្សចូលរួមសរុប ចំនួន៨៦៧នាក់ ស្រី៤០៨នាក់។
ថ្ងៃពុធ ៥រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែឧសភា ឆ្នាំ២០២៦