លោក ជា ស៊ីវត្រា ប្រធានមន្ទីរផែនការខេត្តកោះកុង បានអញ្ជើញចូលរួមកិច្ចប្រជុំប្រចាំឆ្នាំលើកទី៤ របស់គណៈកម្មាធិការពិសេសតាមដានការអនុវត្តកម្មវិធីសកម្មភាពនៃសន្និសីទអន្តរជាតិស្ដីពី ប្រជាជននិងអភិវឌ្ឍន៍ ដើម្បីឆ្លើយតបនិងកម្មវិធីសកម្មភាព និងការប្តេជ្ញាចិត្តក្នុងការសម្រេចឱ្យបាននូវរបៀបវារៈឆ្នាំ២០៣០ សម្រាប់ការអភិវឌ្ឍន៍ប្រកបដោយចីរភាព ក្រោមអធិបតីភាពដ៏ខ្ពង់ខ្ពស់ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ
លោក ជា ស៊ីវត្រា ប្រធានមន្ទីរផែនការខេត្តកោះកុង បានអញ្ជើញចូលរួមកិច្ចប្រជុំប្រចាំឆ្នាំលើកទី៤ របស់គណៈកម្មាធិការពិសេសតាមដានការអនុវត្តកម្មវិធីសកម្មភាពនៃសន្និសីទអន្តរជាតិស្ដីពី ប្រជាជននិងអភិវឌ្ឍន៍ ដើម្បីឆ្លើយតបនិងកម្មវិធីសកម្មភាព និងការប្តេជ្ញាចិត្តក្នុងការសម្រេចឱ្យបាននូវរបៀបវារៈឆ្នាំ២០៣០ សម្រាប់ការអភិវឌ្ឍន៍ប្រកបដោយចីរភាព ក្រោមអធិបតីភាពដ៏ខ្ពង់ខ្ពស់ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ ដោយមានការអញ្ជើញចូលរួមពីលោកស្រី Sandra Bernklau តំណាង UNFPA ប្រចាំនៅកម្ពុជា ឯកឧត្តម លោកជំទាវ អនុប្រធាន សមាជិក និងសមាជិកគណៈកម្មាធិការពិសេសតាមដានការអនុវត្តកម្មវិធីសកម្មភាពនៃសន្និសីទអន្តរជាតិស្ដីពីប្រជាជននិងអភិវឌ្ឍន៍(គ.អ.ស.អ.ប.អ.) ឯកឧត្តម លោកជំទាវ ជាប្រធាន អនុប្រធាន និងសមាជិក សមាជិកកាគណៈកម្មាធិការអន្តរក្រសួងនៃ គ.អ.ស.អ.ប.អ. ឯកឧត្តម អភិបាល អភិបាលរង នៃគណៈអភិបាលរាជធានី ខេត្ត ជាប្រធាន អនុប្រធាន សមាជិក សមាជិកានៃគណៈកម្មាធិការប្រជាជននិងអភិវឌ្ឍន៍រាជធានី ខេត្ត អញ្ជើញចូលរួមប្រមាណ ១៣០រូប នៅសណ្ឋាគារសាន់វ៉េភ្នំពេញ។ កិច្ចប្រជុំនេះមានគោលបំណង (១)រាយការណ៍អំពីវឌ្ឍនភាពការងាររបស់ គ.អ.ស.អ.ប.អ. ដែលបានអនុវត្តកន្លងមក បញ្ហាប្រឈម និងទិសដៅការងារបន្ត (២)ពិនិត្យនិងឯកភាពលើឯកសារទស្សនទាននិងទម្រង់ម៉ាទ្រីសនៃផែនការសកម្មភាពថ្នាក់ក្រោមជាតិ ដើម្បីអនុវត្តក្របខ័ណ្ឌយុទ្ធសាស្ត្រកម្ពុជា ឆ្នាំ២០២៤-២០៣០ និង(៣) ពង្រឹងទំនាក់ទំនងរវាងគណៈកម្មាធិការពិសេសតាមដានការអនុវត្តកម្មវិធីសកម្មភាពនៃសន្និសីទអន្តរជាតិស្ដីពីប្រជាជនអភិវឌ្ឍន៍ គណៈកម្មការអន្តរក្រសួងនៃ គ.អ.ស.អ.ប.អ. និងគណៈកម្មាធិការប្រជាជននិងអភិវឌ្ឍន៍រាជធានីខេត្ត (គ.ប.អ.រ.ខ.)។
ថ្ងៃអង្គារ ១១រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៦ ខែធ្នូ ឆ្នាំ២០២៥
