លោកស្រី អុី នារីនេត អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ក្នុងវគ្គបណ្តុះបណ្តាលស្តីពី ការតាមដាន“ត្រួតពិនិត្យ និងគ្រប់គ្រងសំណង់ នៅសាលមហោស្រពខេត្ត
លោកស្រី អុី នារីនេត អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ក្នុងវគ្គបណ្តុះបណ្តាលស្តីពី ការតាមដាន“ត្រួតពិនិត្យ និងគ្រប់គ្រងសំណង់ នៅសាលមហោស្រពខេត្ត។
ថ្លែងក្នុងពិធីនេះដែរ លោកស្រី អុី នារីនេត បានលេីកឡេីងថា ស្ថានភាពសំណង់នៅក្នុងខេត្តរបស់យើង ក៏ដូចជាវិធានការយុទ្ធសាស្ត្រ និងសកម្មភាពឆ្លើយតប ដ៏មានប្រសិទ្ធភាពមួយចំនួន ដែលរាជរដ្ឋាភិបាល ព្រមទាំង ក្រសួង ស្ថាប័ន បានដាក់ចេញ ហើយយើងបាននឹងកំពុងអនុវត្តក្នុងពេលបច្ចុប្បន្នពាក់ព័ន្ធនឹងបញ្ហាទាំងអស់នេះ។ ទោះបីមានវគ្គបណ្តុះបណ្តាល ផ្សព្វផ្សាយ អប់រំ និងធ្វើយុទ្ធនាការជាបន្តបន្ទាប់ក្តី ប៉ុន្តែការការងារសំណង់ ពោលគឺការតាមដាន ត្រួតពិនិត្យ និងការគ្រប់គ្រង តែជាបញ្ហា គួរឱ្យកត់សម្គាល់ និងគួរឱ្យព្រួយបារម្ភ។
មាត្រា២៦ នៃច្បាប់ស្ដីពីសំណង់ ចែងថា “រាល់ការងារសាងសង់ ឬរុះរើ ត្រូវមានការអនុញ្ញាតជាមុន ដោយអាជ្ញាធរមានសមត្ថកិច្ច”។ ក្នុងន័យនេះផងដែរ សូមអាជ្ញាធរ និងមន្ត្រីជំនាញពាក់ព័ន្ធ ត្រូវគ្រប់គ្រងការងារសាងសង់នេះឱ្យបានជាអតិបរិមាទាំងនៅលើដីកម្មសិទ្ធឯកជន និងជាពិសេស ដីចំណីផ្លូវ ចំណីអូរ ស្ទឹង បឹងបួរ ព្រែក សមុទ្រ… ជាដើម ឱ្យបានច្បាស់លាស់ ហើយត្រូវអប់រំ ប្រជាពលរដ្ឋ ឱ្យគោរពច្បាប់ដោយចៀសវាងការយកដីចំណីទាំងនេះ ធ្វើជាកន្លែងរស់នៅ សាងសង់ សំណង់ផ្សេងៗ ឬរកស៊ីដែលធ្វើឱ្យមានការប៉ះពាល់យូរអង្វែង ដល់ផលប្រយោជន៍សាធារណៈ។
ថ្ងៃសុក្រ ៧រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១២ ខែធ្នូ ឆ្នាំ២០២៥
