រដ្ឋបាលខេត្តកោះកុង

លោក ហាក់ ឡេង អភិបាលរង នៃគណៈអភិបាលខេត្តកោះកុង និងតំណាងដ៏ខ្ពង់ខ្ពស់លោកជំទាវ ឈី វ៉ា អភិបាល នៃគណៈអភិបាលខេត្ត បានអញ្ជើញជាអធិបតីភាព ក្នុងកិច្ចប្រជុំសិក្ខាសាលាពិគ្រោះយោបល់ស្តីពី“សហគ្រប់គ្រងធនធាន និងអភិបាលកិច្ចបណ្តាញសហគមន៍ នៅខេត្តកោះកុង”។
សិក្ខាសាលាពិគ្រោះយោបល់នេះត្រូវបានរៀបចំក្នុងគោលបំណងដូចខាងក្រោម ៖
ការកសាងភាពជាដៃគូ និងពង្រឹងសហគ្រប់គ្រង និងអភិបាលកិច្ច ក្នុងការគ្រប់គ្រងធនធានធម្មជាតិ ដូចជាធនធានជលផលសមុទ្រ ស្វែងយល់ពីបញ្ហាប្រឈម ដំណោះស្រាយ និងផ្សេងៗ ក្នុងការចូលរួមលើកកម្ពស់ការគ្រប់គ្រងធនធាន និងអភិបាលកិច្ចសេដ្ឋកិច្ច នៅតាមតំបន់ឆ្នេរ បង្កើនទំនាក់ទំនង និងយន្តការកិច្ចសហប្រតិបត្តិការ ដើម្បីបង្កើនប្រសិទ្ធភាពការគ្រប់គ្រង និងអភិរក្សធនធានធម្មជាតិ ជាមួយភាគីពាក់ព័ន្ធ និងលើកកម្ពស់កិច្ចគាំទ្រធនធានផ្សេងៗ។ ដែលមានអ្នកចូលរួមចំនួន ៥៤នាក់ ស្រី១១នាក់ នៅបន្ទប់ប្រជុំនៃអាគារធនធាន ក្នុងវិទ្យាល័យស្រែអំបិល។
ថ្ងៃអង្គារ ៤រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៩ ខែធ្នូ ឆ្នាំ២០២៥