រដ្ឋបាលខេត្តកោះកុង

វេលាម៉ោង ៨:០០ នាទីព្រឹក រដ្ឋបាលឃុំប្រឡាយ បានបើកកិច្ចប្រជុំសាមញ្ញលើកទី៤២ អាណត្តិទី៥ របស់ក្រុមប្រឹក្សាឃុំប្រឡាយ ប្រចាំខែវិច្ឆិកា ឆ្នាំ២០២៥ ក្រោមអធិបតីភាពលោក សុខ ខ្មៅ ប្រធានក្រុមប្រឹក្សាឃុំ និងជាប្រធានអង្គប្រជុំ មានអ្នកអញ្ជើញចូលរួមដូចជា លោក លោកស្រី សមាជិកក្រុមប្រឹក្សាឃុំ ស្មៀនឃុំ មន្ត្រីប៉ុស្ដិ៍សុខភាព មេភូមិ អនុភូមិ សមាជិកភូមិ នៃឃុំប្រឡាយ និងជំនួយការរដ្ឋបាលឃុំទាំងពីរ សរុប ១៦នាក់ ស្រី ០៦នាក់ នៅសាលាឃុំប្រឡាយ ។
• អង្គប្រជុំបានអនុម័តលើរបៀបវារៈ សម្រាប់កិច្ចប្រជុំសាមញ្ញរបស់ក្រុមប្រឹក្សាឃុំ លើកទី៤២ មានដូចខាងក្រោម៖

1. ពិនិត្យ និងអនុម័ត សេចក្តីព្រាងកំណត់ហេតុអង្គប្រជុំលើកទី៤១ របស់ក្រុមប្រឹក្សាឃុំ
2. ពិនិត្យ ពិភាក្សា និងអនុម័ត សេចក្តីព្រាងរបាយការណ៍ស្តីពី ការអនុវត្តការងាររបស់រដ្ឋបាលឃុំ ប្រឡាយ ប្រចាំខែវិច្ឆិកា ឆ្នាំ២០២៥
3. ពិនិត្យ ពិភាក្សា និងអនុម័ត របាយការណ៍ប្រចាំខែវិច្ឆិកា ស្ដីពីការអនុវត្តមូលនិធិគាំទ្រការផ្ដល់សេវាឃុំ សង្កាត់ របស់រដ្ឋបាលឃុំប្រឡាយ
4. ពិនិត្យ ពិភាក្សា និងអនុម័ត របាយការណ៍ប្រចាំខែវិច្ឆិកា ឆ្នាំ២០២៥ របស់គណៈកម្មាធិការកិច្ចការនារី និងកុមារឃុំ
5. ពិនិត្យ ពិភាក្សា និងអនុម័ត សេចក្តីព្រាងរបៀបវារៈកិច្ចប្រជុំសាមញ្ញលើកទី៤៣ របស់ក្រុមប្រឹក្សាឃុំ
6. បញ្ហាផ្សេងៗ

ថ្ងៃអង្គារ ១២កើត ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២ ខែធ្នូ ឆ្នាំ២០២៥