រដ្ឋបាលខេត្តកោះកុង

លោក ជា ច័ន្ទកញ្ញា អភិបាល នៃគណៈអភិបាលស្រុកស្រែអំបិល បានចូលរួមជាគណៈអធិបតីក្នុងពិធីបើកការដ្ឋានសាងសង់អាគារសិក្សាថ្មីចំនួន០១ខ្នង មាន០៥បន្ទប់ ដែលមានបណ្តោយ៤០ម៉ែត្រ ទទឹង៨ ម៉ែត្រ សាងសង់ផុតពីដីកំពស់ ២,៦ម៉ែត្រ សសរធ្វើអំពីបេតុង គ្រោងឆ្អឹងដែកអក្សរ I ជញ្ជាំងឥតបរិស្ថាន ដំបូលប្រកស័ង្កសី នៅសាលាបឋមសិក្សាពោធិ៍បឹង ឃុំដងពែង ស្រុកស្រុកស្រែអំបិល ដែលជាអំណោយរបស់អង្គការការីតាសកម្ពុជា។ អង្គការ ការីតាស់កម្ពុជា បានផ្តល់ជូនសម្ភារៈសិក្សា និងអាហារូបករណ៍ដល់សិស្សានុសិស្សសរុបចំនួន ៦៧នាក់ ស្រី៣២នាក់ ក្នុងនោះរួមមាន៖ ផ្តល់អាហារូបករណ៍សិស្សចំនួន១០នាក់ ស្រី០៥នាក់ ចែកសម្ភារៈសិក្សាចំនួន ៥៥នាក់ ស្រី២៧នាក់ ផ្តល់ជូនកង់ដល់សិស្សានុសិស្សក្រីក្រ និងងាយបោះបង់ការសិក្សាចំនួន០២នាក់ ស្រី០នាក់។

         ក្នុងពិធីនេះ មានការអញ្ជើញចូលរួមពី លោក គឹម រតនា នាយកប្រតិបត្តិ អង្គការការី តាសកម្ពុជា លោកអភិបាលរងស្រុក  មន្ទីរអប់រំយុវជន និងកីឡាខេត្ត លោកប្រធានស្តីទីការិយាល័យអប់រំ យុវជន និងកីឡាស្រុក សមាជិកក្រុមប្រឹក្សាឃុំ នាយកសាលា លោកគ្រូអ្នកគ្រូ គណៈកម្មការ គ្រប់គ្រងសាលា និងមាតាបិតាសិស្ស។

………………………

ថ្ងៃពុធ ៧រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១២ ខែវិច្ឆិកា ឆ្នាំ២០២៥