រដ្ឋបាលខេត្តកោះកុង

លោក ស្រេង ហុង អភិបាលរង នៃគណៈអភិបាលខេត្តកោះកុង បានអញ្ជើញទទួលស្វាគមន៍លោកស្រីវេជ្ជបណ្ឌិត លឹម ខាន់គ្រីកា ប្រធានក្រុមការងាររៀបចំករណីសិក្សាខេត្តកោះកុង ដើម្បីរៀបចំករណីសិក្សាស្តីពីការគ្រប់គ្រង និងការផ្តល់សេវារបស់មន្ទីរពេទ្យខេត្តកោះកុង។

លោកអភិបាលរងខេត្ត សូមអោយមន្ទីរ អង្គភាពជំនាញពាក់ព័ន្ធ ជាងពិសេសមន្ទីរនៃមន្ទីរពេទ្យខេត្ត ចូលរួមសហការ ជាមួយក្រុមការងារ ដើម្បីបានធាតុចូលសំខាន់ ជម្រុញឱ្យករណីសិក្សានេះបានទទួលជោគជ័យ និងសម្រេចតាមផែនការ ដែលបានគ្រោងទុក។ ក្នុងការសិក្សានេះពិតជាមានសារៈសំខាន់ណាស់ ចំពោះការគ្រប់គ្រង និងការផ្តល់សេវារបស់មន្ទីរពេទ្យ សម្រាប់ចងក្រងឯកសារទុកសម្រាប់ប្រើប្រាស់ នាពេលបច្ចុប្បន្ន និងទៅអនាគត សម្រាប់អ្នកសិក្សាស្រាវជ្រាវដ៏ទៃទៀត៕