រដ្ឋបាលខេត្តកោះកុង

សាខា កក្រក ខេត្តកោះកុង៖ នៅថ្ងៃច័ន្ទ ៦កើត ខែភទ្របទ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៤ ខែសីហា ឆ្នាំ២០២០
លោកជំទាវ មិថុនា ភូថង ប្រធានគណៈកម្មាធិការសាខាកាកបាទក្រហមកម្ពុជា ខេត្តកោះកុង បានចាត់ក្រុមការងារ ទទួលបន្ទុកសុខភាពសាខា សហការជាមួយមន្ត្រីប្រចាំការអនុសាខាក្រុងខេមរភូមិន្ទ ក្រុមគ្រូពេទ្យផ្នែកសម្ភពនៃមន្ទីរពេទ្យខេត្តកោះកុង អាជ្ញាធរសង្កាត់ស្ទឹងវែង បានចុះសួរសុខទុក្ខ និងនាំយកអំណោយ មនុស្សធម៌ផ្តល់ជូនស្ត្រីជួបការលំបាកចំួនន ២នាក់ ៖ ​១.ស្ត្រីឈ្មោះ ញាត់ ចាន់ធឿន អាយុ២៨ឆ្នាំ សម្រាលបានកូនភ្លោះប្រុស២នាក់ បច្ចុប្បន្នកំពុងសម្រាកព្យាបាលនៅមន្ទីរពេទ្យខេត្តកោះកុង ២.ស្ត្រីឈ្មោះ គង់ ស្រីម៉ាច សម្រាលបានកូនស្រីម្នាក់ នៅភូមិព្រែកស្វាយ (ម្តុំគំនរចាក់សំរាម) សង្កាត់ស្ទឹងវែង ក្រុងខេមរភូមិន្ទ ខេត្តកោះកុង ។

នាឱកាសនោះក្រុមការងារ បាន​ពាំនាំនូវ​ប្រសាសន៍ផ្ដាំផ្ញើសួរសុខទុក្ខពីលោកជំទាវ មិថុនា ភូថង ប្រធានគណៈកម្មាធិការសាខា ឯកឧត្តម ប៊ុន លើត ប្រធានកិត្តិយសសាខា​ ពិសេស​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយក​ចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ពិសេសសុខភាពមាតា កុមារ និងទារក ជួបការលំបាកដូចពេលនេះ ដោយ មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ។

សម្ភារដែលសាខាផ្តល់ជូនរួមមាន៖ ​១.ស្ត្រីឈ្មោះ ញាត់ ចាន់ធឿន អាយុ២៨ឆ្នាំ សម្រាលបានកូនភ្លោះប្រុស២នាក់ ទទួលបានអង្ករ៥០គក្រ មីម៉ាម៉ា១កេស ត្រីខ១ឡូ ទឹកសុទ្ធឳរ៉ាល់​​១កេស ខោទឹកនោម ១០ខោ អាវយឺត០២ សាប៊ូដុំ៣ដុំ ព្រមទាំងថវិកា៨០,០០០រៀល ២.ស្ត្រីឈ្មោះ គង់ ស្រីម៉ាច សម្រាលបានកូនស្រីម្នាក់ រស់នៅ(ម្តុំគំនរចាក់សំរាម)ទទួលបាន៖ អង្ករ៥០គក្រ មីម៉ាម៉ា១កេស ត្រីខ១ឡូ ទឹកសុទ្ធឳរ៉ាល់១កេស ទឹកត្រី៦ដប អាវយឺត០៨ មុងសុវត្ថិភាព១ ខោទឹកនោម២០ខោ ភួយ១ឈុត តង់១ កន្ទេល១ សាបូ៣ដុំ កាធុនដែក១ ព្រមទាំងថវិកា ៨០,០០០រៀល ផងដែរ។