លោក ប្រាក់ វិចិត្រ ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកមណ្ឌលសីមា បានដឹកនាំក្រុមការងារអញ្ជើញទទួលទេយ្យទានជាគ្រឿងឧបភោគ បរិភោគ និងថវិកា មួយចំនួន ពីព្រះតេជគុណ វង្ស វិទ្ធី ព្រះចៅអធិការវត្តសមុទ្ធារាម ហៅវត្តប៉ាក់ខ្លង និងជាអនុប្រធានកិត្តិយសអនុសាខាស្រុកមណ្ឌលសីមា។
លោក ប្រាក់ វិចិត្រ ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកមណ្ឌលសីមា បានដឹកនាំក្រុមការងារអញ្ជើញទទួលទេយ្យទានជាគ្រឿងឧបភោគ បរិភោគ និងថវិកា មួយចំនួន ពីព្រះតេជគុណ វង្ស វិទ្ធី ព្រះចៅអធិការវត្តសមុទ្ធារាម ហៅវត្តប៉ាក់ខ្លង និងជាអនុប្រធានកិត្តិយសអនុសាខាស្រុកមណ្ឌលសីមា។
មានសង្ឃដីកានាឱកាសនោះ ព្រះតេជគុណ វង្ស វិទ្ធី មានការគាំទ្រ និងមានទឹកព្រះទ័យរីករាយ ចូលរួមចំណែកជាមួយសកម្មភាពមនុស្សធម៌របស់កាកបាទក្រហមកម្ពុជា ក្នុងការជួយសង្គ្រោះ ក៏ដូចជាជួយសម្រាលទុក្ខលំបាក របស់ញោមញាតិទីទ័លក្រនៅគ្រប់ទីកន្លែង ។
មានប្រសាសន៍ក្នុងឱកាសនោះដែរ លោក ប្រាក់ វិចិត្រ ប្រធានគណៈកម្មាធិការអនុសាខាស្រុក និងក្រុមការងារបាន ថ្លែងអំណរព្រះគុណ ចំពោះព្រះទ័យដ៏សប្បុរសធម៌របស់ព្រះតេជគុណ វង្ស វិទ្ធី ក្នុងការយកព្រះទ័យទុកដាក់ប្រទាននូវទេយ្យទាន គ្រឿងឧបភោគបរិភោគ នេះ សបញ្ជាក់ពីព្រះទ័យដ៏មនុស្សធម៌ ចំពោះបងប្អូនប្រជាពលរដ្ឋរងគ្រោះ និងងាយរងគ្រោះ ។ ក្នុងកាយវិកាដ៏មនុស្សធម៌នេះ គឺជាការចូលរួមរបស់ព្រះសង្ឃក្នុងវិស័យអាណាចក្រ ជាមួយសកម្មភាពមនុស្សធម៌របស់ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។ គ្រឿងឧបភោគបរិភោគទាំងនេះ អនុសាខាកាកបាទក្រហមកម្ពុជា ស្រុកមណ្ឌលសីមា នឹងយកទៅប្រើប្រាស់ឲ្យចំគោលដៅមនុស្សធម៌ នៅពេលដែលប្រជាពលរដ្ឋយើងទទួលរងនូវគ្រោះមហន្តរាយផ្សេងៗ ដោយមិនប្រកាន់ ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ស្របតាមគោលការណ៍គ្រឹះទាំង៧ប្រការរបស់ចលនាកាកបាទក្រហម អឌ្ឍចន្ទក្រហម។
ទេយ្យទានដែលអនុសាខាបានទទួលមាន៖
អង្ករ ០១ បាវ មី០៩ កេស ស្កសរ ៤០ គីឡូ ទឹកដោះគោខាប់ ១០កំប៉ុង ទឹកត្រី ០៣កេស ទឹកស៊ីអ៉ីវ ៣កេស អំបិល ១២កញ្ចប់
តែ ០៦កញ្ចប់ ទឹកសណ្តែក ០១កេស ទឹកសុទ្ធ១៦ឡូ
ប្រេងសណ្តែក ១៤ដប ត្រីខ ០៥ឡូ ប៊ីចេង ០៥គីឡូ
ព្រមទាំង ថវិកា ចំនួន២០០.០០០រៀល ៕
