លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញដឹកនាំកិច្ចប្រជុំបូកសរុបលទ្ធផលការងារចុះបញ្ជីដីរដ្ឋ នៅដែនជម្រកសត្វព្រៃពាមក្រសោប ខេត្តកោះកុង។

លោកអភិបាលរង សូមឱ្យ អភិបាលក្រុង ស្រុក និងប្រធានការិយាល័យ អង្គភាពជំនាញពាក់ព័ន្ធ ដើម្បីបង្ហាញពីលទ្ធផល វឌ្ឍនភាព បញ្ហាប្រឈម និងផែនការអនុវត្តបន្តលើការងារចុះបញ្ជីដីរដ្ឋ ក្នុងតំបន់ប្រើប្រាស់ដោយចីរភាព និងតំបន់សហគមន៍។ ជាមួយគ្នានេះផងដែរ សូមសមាជិកពាក់ព័ន្ធទាំងអស់យកចិត្តទុកដាក់អំពីការចុះបញ្ជីដីរដ្ឋនៅដែនជម្រកសត្វព្រៃពាមក្រសោប និងការកាត់ឆ្វៀលដីអាស្រ័យផលរបស់ប្រជាជន ព្រមទាំងពិនិត្យលើករណីបណ្តឹងតំបន់ស្នូល និងអភិរក្ស៕