រដ្ឋបាលខេត្តកោះកុង

សាខា កក្រក ខេត្តកោះកុង៖ ឯកឧត្តម ប៊ុន លើត ប្រធានកិត្តិយស សាខា លោកជំទាវ មិថុនា ភូថង ប្រធានគណៈកម្មាធិការសាខាកាកបាទក្រហមកម្ពុជា ខេត្តកោះកុង ព្រមទាំងសមាជិក សមាជិកាគណៈកម្មាធិការសាខា សូមថ្លែងអំណរគុណយ៉ាងជ្រាលជ្រៅជូនចំពោះ ស្នងការនៃស្នងការដ្ឋាន នគរបាលខេត្តកោះកុង ដឹកនាំដោយ ឧត្តមសេនីយ៍ត្រី កិក ចំរើន ស្នងការរង នៃស្នងការដ្ឋាននគរបាលខេត្ត ព្រមទាំងសហការី និងមន្ត្រីនគរបាលក្រោមឱវាទ ដែល បានឧបត្ថម្ភ ថវិកាចំនួន ៤,៧០៥,០០០ រៀល (បួនលាន ប្រាំពីររយប្រាំពាន់រៀល) ក្នុងន័យចូលរួមការងារមនុស្សធម៌ ដល់សាខាកាកបាទក្រហមកម្ពុជា ខេត្តកោះកុង ដើម្បីចូលរួមអបអរសាទរខួប ទី១៥៧ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២០ ក្រោមប្រធានបទ «ខ្ញុំ ❤️សន្តិភាព និងកាកបាទក្រហមកម្ពុជា»។

មូលនិធិដែលសាខាកាកបាទក្រហមកម្ពុជា ខេត្តកោះកុង ទទួល បានពីសប្បុរសជនគ្រប់មជ្ឈដ្ឋានទាំងនៅថ្នាក់ជាតិ និងថ្នាក់ក្រោមជាតិ បានជួយឱ្យសាខាកក្រក ខេត្តកោះកុង មានធនធានអាចធ្វើប្រតិបត្តិ ការសប្បុរសធម៌របស់ខ្លួន ដោយពុំមានការរើសអើង សំដៅចូលរួមចំណែក​ក្នុងការជួយសង្រ្គោះជីវិត ការកសាងភាពធន់ទៅ​នឹងគ្រោះមហន្តរាយផ្សេងៗ ការកាត់បន្ថយអត្រាឈឺ និងស្លាប់នៃមាតា និងកុមារការលើកម្ពស់គោលការណ៍គ្រឹះនៃតម្លៃមនុស្សធម៌ សេចក្តីថ្លៃថ្នូររបស់មនុស្សជាតិ និងវប្បធម៌អហិង្សា។ល។