ឧត្តមសេនីយ៍ត្រី ថុង ណារុង ដឹកនាំកិច្ចប្រជុំផ្សព្វផ្សាយផែនការ ការពារសន្តិសុខ ក្នុងឱកាសថ្ងៃឈប់សម្រាក
ឧត្តមសេនីយ៍ត្រី ថុង ណារុង ដឹកនាំកិច្ចប្រជុំផ្សព្វផ្សាយផែនការ ការពារសន្តិសុខ ក្នុងឱកាសថ្ងៃឈប់សម្រាក
កោះកុង៖ នៅរសៀលថ្ងៃអង្គារ ទី១១ ខែសីហា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកោះកុង បានប្រជុំផ្សព្វផ្សាយផែនការ ការពារក្នុងឱកាសនៃការអនុញ្ញាតិឲ្យមន្ត្រីរាជការ និយោជិក កម្មករ ឈប់សំរាកពីការងារ។
កិច្ចប្រជុំនេះក្រោមអធិបតីភាព លោក ឧត្តមសេនីយ៍ត្រី ថុង ណារុង មេបញ្ជាការ កងរាជអាវុធហត្ថខេត្តកោះកុង និងដោយមានការចូលរួមពីលោក មេបញ្ជាការរង ប្រធានមន្ទីរស្តីទី នាយលេខាធិការដ្ឋាន នាយការិយាល័យ យេនឌ័រ មេបញ្ជាការកងអន្តរាគមន៍ មេបញ្ជាការ ក្រុង-ស្រុកស្នាក់ការ ព្រមទាំងនាយ នាយរងអាវុធហត្ថខេត្តជាច្រើនរូបទៀត ។
ឧត្តមសេនីយ៍ត្រី មានប្រសាសន៍ ថា កម្លាំងក្រោមឱវាទទាំងអស់ត្រូវមានសាមគ្គីឯកភាពផ្ទៃក្នុង និងត្រូវចេះសន្សំសំចៃដោយរៀបចំផែនការសេដ្ឋកិច្ចគ្រួសារ ឲ្យបានត្រឹមត្រូវ ដើម្បីជៀសឲ្យផុតពីហានិភ័យសេដ្ឋកិច្ចក្នុងគ្រួសារ និងចេះថែរក្សាសុខភាពខ្លួនឯងក៏ដូចជាក្រុមគ្រួសារឲ្យបានល្អផងដែរ។
និងសូមកុំធ្វេសប្រហែសឱ្យសោះ!
យើងទាំងអស់គ្នាអាចភ្លេចមេរោគកូវីដ១៩នេះបាន ប៉ុន្តែមេរោគនេះមិនដែលភ្លេចយើងទាំងអស់គ្នាគ្រប់រូបបានទេ។
ទន្ទឹមនឹងការពារការចម្លងវីរុសកូវីដ-១៩ លោក ឧត្តមសេនីយ៍ត្រី បានលើកឡើងអោយមានការប្រុងប្រយ័ត្នពីជំងឺថ្មីមួយទៀតគឺ ជំងឺគ្រុនឈីក ដែលបណ្តាលមកពីមូសខ្លាញីខាំ ហើយជំងឺគ្រុនឈីក នេះគឺវាស្រដៀងទៅនឹងជំងឺគ្រុនឈាមផងដែរ ដោយមានខេត្តចំនួន១៥ហើយដែលត្រូវបានរកឃើញ៕
