រដ្ឋបាលខេត្តកោះកុង

លោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ បានដឹកនាំក្រុមការងារស្រុក មេឃុំតានូន និងមេភូមិបាក់រនាស់ បានចុះពិនិត្យស្ថានភាពផ្លូវដែលរងការខូចខាតដោយសារមានភ្លៀងធ្លាក់ជាប់ៗគ្នាជាច្រើនថ្ងៃក្នុងរដូវវស្សាដែលបណ្ដាលឱ្យហូរច្រោះដាច់ផ្លូវជាច្រើនកន្លែង នៅភូមិបាក់របាស់ ឃុំតានូន ស្រុកបូទុមសាគរ ខេត្តកោះកុង។ ក្នុងការចុះពិនិត្យស្ថានភាពជាក់ស្ដែងលោកអភិបាលស្រុកបានធ្វើការដាក់លូចំនួន៥កន្លែង ដើម្បីរំដោះទឹក និងធ្វើការជួយជុលផ្លូវជាច្រើនកន្លែងថែមទៀត ដើម្បីងាយស្រួលក្នុងការធ្វើចរាចរណ៍របស់ប្រជាពលរដ្ឋដែលរស់នៅទីនោះ ដែលត្រូវចំណាយទឹកប្រាក់ចំនួន១៥,០០០ដុល្លារ ក្រោមការឧបត្ថម្ភរបស់ក្រុមហ៊ុន រ៉ាឡុនស៊ីយីអ៊ិនដាសស្ទ្រី(ខេមបូឌា)ឯ.ក។

ប្រភព:រដ្ឋបាលស្រុកបូទុមសាគរ

ថ្ងៃចន្ទ ៣កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនិងថ្ងៃទី២៨ ខែកក្កដា ឆ្នាំ២០២៥ វេលាម៉ោង២:៣០នាទីរសៀល