រដ្ឋបាលខេត្តកោះកុង

លោក គង់ មិនា ប្រធានការិយាល័យកសិ-ឧស្សាហកម្ម បានសហការជាមួយក្រុមហ៊ុនសម្បទានដីសេដ្ឋកិច្ច របស់ក្រុមហ៊ុន កោះកុង ផ្លេនថេសិន ខមភេនី លីមីធីត ដែលមានទីតាំងស្ថិតនៅឃុំកណ្តោល ស្រុកបូទុមសាគរ ក្នុងករណីដែលក្រុមហ៊ុនបានរាយការណ៍មកការិយាល័យជំនាញពាក់ព័ន្ធមានការធ្វើក្រោល គោ ក្របី ក្នុងដីក្រុមហ៊ុនខាងលើ។ បើតាមសាកសួរបុគ្គលិកក្រុមហ៊ុន និងចុះពិត្យមើលជាក់ស្តែង គឺមានប្រជាពលរដ្ឋបានធ្វើក្រោល គោ ក្របី នៅក្នុងដីក្រុមហ៊ុនពិតប្រាកដមែន ដែលមានចំនួន ១៥ខ្នង មានដំបូលប្រក់ស័ង្កសី របងឈើរបា និងបន្លាលួស និងមានរោងខ្លះបានបំពាក់ Camara ទៀតផង មានទំហំចាប់ពី 4m*5mដល់ 6m*10m។

ក្នុងនោះដែរក្រុមហ៊ុនក៏ធ្លាប់បានធ្វើលិខិតជូនដំណឹងដល់អាជ្ញាធរឃុំជីផាតផងដែរដើម្បីឲ្យអាជ្ញាធរឃុំណែនាំប្រជាពលរដ្ឋធ្វើកិច្ចសន្យារុះរើ និងបានកំណត់ទុករយៈពេល​ ០២សប្តាហ៍ តែមកដល់ពេលនេះនៅមិនទាន់មានក្រោល គោ ក្របី មួយណាបានរុះរើឡើយទេ។​ ចំពោះចំណាត់ការបន្ត ក្រុមហ៊ុនថានឹងសុំជួបជាមួយអាជ្ញាធរឃុំម្តងទៀត បើនៅតែមិនទាន់រុះរើ ក្រុមហ៊ុននិងសហការជាមួយក្រុមការងារមន្ទីរ និងអាជ្ញាធរឃុំនឹងរុះរើដោយផ្ទាល់។

ថ្ងៃព្រហស្បតិ៍ ៩រោច ខែជេស្ឋ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១៩ ខែមិថុនា ឆ្នាំ២០២៥

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង